«Arlandar» aılasyn asyrdy

Búkilálemdik boks serııasynyń (WSB) jańa maýsymynda "Astana Arlans" klýby Taldyqorǵan qalasynda "О́zbek Taıgers" komandasymen kúsh synasyp, jalpy esepte 4:1 esebimen jeńiske jetti. Kezdesýdiń birinshi jekpe-jegi 52 kılo salmaqta «Astana Arlanstyń» kapıtany Oljas Sáttibaev pen ózbek boksshysy Abrorjan Kodırov arasynda ótti. Bul synda qazaqstandyq sheberdiń mereıi ústem boldy. Odan keıin 60 kılo salmaqta óner kórsetken Zákir Safıýllın Rıo-2016 Olımpıadasynyń qola júldegeri Mýrodjon Ahma­dalıev­ti tize búktirdi. Qyzyqty jekpe-jektiń biri 69 kılo salmaqta boldy. Bul syn­­da qazaqstandyq Aslanbek Shym­bergenov Olımpııa oıyn­darynyń (Rıo-2016) kúmis júl­degeri Shahram Gııasovty upaı sany­men utyp qana qoımaı, jalpy esepte komandasyna jeńis syı­lady. Budan keıin 81 kılo sal­maq dárejesinde rıngke shyq­qan Nurdáýlet Jarmanov Rıo Olımpıadasynyń kúmis júl­degeri Bektemir Melı­kýzıev­ten utylyp qaldy. Al sońǵy, 91 kı­lo salmaqta óner kórsetken Qam­shybek Qońqabaev pen ózbek­standyq Bahodır Jalolov arasyn­daǵy jekpe-jek «Astana Arlans» ókiliniń paıdasyna sheshildi. Sonymen «Astana Arlans» klýby WSB maýsymynda osymen ekinshi jeńisine qol jetkizdi. Budan buryn olar reseılik Patriot Boxing Team klýbynan basym túsken bolatyn. Mádına ASYLBEK, jýrnalıst ASTANA