Qar qursaýynan alyp shyqty

Bıyl Qostanaı óńirinde qar qalyń. Boranda úrip jaýǵan qar kóptegen jerde joldardy bógep tastaıdy. Ásirese, Qarasý aýdanyndaǵy Ýshakov selosyndaǵylar bıyl qysta keń dúnıeden bó­linip, aralda qalǵandaı se­zinip otyr. Bas dańǵyl men aýyl­dy qosatyn 25 shaqyrym jol­dy qar úrip tastaı beredi. Taý bop úıilgen qardan tehnı­ka júre almaıdy, ony tazalaý da múmkin bolmaı tur. Son­dyqtan, Tótenshe jaǵdaılar de­par­tamenti qyzmetkerleri men Soltústik óńirlik aero­mo­bıldi jedel-qutqarý ot­rıady qutqarýshylary bıyl qysta Ýshakovqa kóz qıyǵyn salyp otyrdy. Áı­teýir telefon baılanysy bar, tur­­ǵyndar tótenshe jaǵdaı qa­­lyptasqanda habarsyz bol­maı­dy. Jaqynda ǵana aqpan­dat­qan boran kúnderi osy aýylda bosanýǵa tıisti áıel men demikpemen aýyra­tyn er kisini jedel aýrý­hanaǵa jetkizý kerek bol­dy. Soltústik óńirlik ae­ro­­mobıldi jedel-qutqarý ot­rıadynyń qyzmetkerleri jol tańdamaıtyn TREKOL avto­mobıli júkti áıeldi, naýqasty jáne olardyń týys­­taryn alyp, oppa qar­men jú­rip oty­ryp, 25 sha­qy­rym jer­degi da­ń­ǵyl jolǵa shy­ǵar­dy. Aıaǵy aýyr áıeldi kú­tip tur­ǵan jeńil mashına ony Áýlıekól aýdandyq aý­rý­hana­syna jetkizdi, er kisi­ni Qostanaıǵa alyp ketti. Qutqa­rý­shylardyń aıtýynsha, Ýshakov aýylyna jetetin jol­­dy kómgen qardyń ústimen qut­­qarý tehnıkalarynyń ózi zor­ǵa júredi. Qys boıyna qar­dyń tutqyny bolǵan aýyldan qutqarýshylar aıaǵy aýyr úsh áıeldi perzenthanaǵa jet­kiz­di. Názıra JÁRIMBETOVA, «Egemen Qazaqstan» Qostanaı oblysy, Qarasý aýdany