Búgin elimizdiń basym bóliginde qar jaýady

Búgin elimizdiń basym bóliginde atmosferalyq aǵyndardyń ótýine baılanysty qar jaýady, keı jerlerde tuman, kóktaıǵaq bolyp, jeldiń kúsheıýi saqtalady. Bul týraly «Qazgıdromet» RMK habarlady. Aqmola oblysynda burqasyn bolyp, kúndiz jel 15-20 m/s-ǵa kúsheıedi. Almaty oblysynyń keı jerlerinde tuman, kóktaıǵaq, túnde jeldiń ekpini 17-22 m/s-ǵa deıin jetýi múmkin. Jambyl, Ońtústik Qazaqstan oblystarynyń keı jerlerinde tuman, kóktaıǵaq, burqasyn bolady, keı jerlerde jel 15-20 m/s kúsheıip, ekpini 23-28 m/s bolady, túnde Ońtústik Qazaqstan oblysynda jeldiń ekpini 25 m/s-ǵa jetedi. Qyzylorda oblysynyń keı jerlerinde tuman, kóktaıǵaq bolyp, kúndiz jel 15-20 m/s-ǵa kúsheıedi. Atyraý, Batys Qazaqstan, Aqtóbe oblystarynyń keı jerlerinde burqasyn bolyp, jel 15-20 m/s-ǵa kúsheıedi, Aqtóbe oblysynda jeldiń ekpini 23 m/s bolady. Qostanaı,  Soltústik Qazaqstan oblystarynyń keı jerlerinde burqasyn, túnde jáne tańerteń tuman kútiledi, jel 15-20 m/s-ǵa kúsheıip, kúndiz ekpini 23-28 m/s-ǵa jetedi. Pavlodar oblysynyń keı jerlerinde tuman, kúndiz burqasyn, jeldiń jyldamdyǵy 15-20 m/s bolady. Qaraǵandy oblysynyń keı jerlerinde tuman, kóktaıǵaq, burqasyn, jeldiń 15-20 m/s-ǵa kúsheıýi kútiledi. Shyǵys Qazaqstan oblysynda burqasyn, kóktaıǵaq bolyp,  jeldiń kúshi 15-20, kúndiz ekpini 25 m/s bolady.