Qaraǵandy oblysyndaǵy 182 eldi mekendi sý basýy múmkin

Qaraǵandy oblysyndaǵy 182 eldi mekendi sý basý qaýpi bar. Munda qazir 29 myńǵa jýyq adam turady.  Bul týraly Tótenshe jaǵdaılar qyzmetiniń ókilderi málimdedi. Bıyl Arqa jerine qar qalyń tústi. Sonyń saldarynan óńirdegi sý qoımalary men ózen arnalary tolyp tur. Qazirgi kúni oblysta irili-usaqty 228 sý qoımasy bolsa, sonyń 50-i eldi mekender men joldarǵa jaqyn ornalasqan. Mamandar aldaǵy aptada óńirdi aralap shyqpaq. «Barlyǵy kún raıyna baılanysty», - deıdi olar. Eger qar kúrt erip, jańbyr jaýsa, qaýip te basym. «Qardaǵy sýdyń qory Nura, Sherýbaı Nura, Kóń jáne Jaman kóń ózenderinde normadan kóp bolyp tur. Naqty aıtatyn bolsaq, Nura ózeninde 168 paıyz normadan joǵary, 148 paıyz Sherýbaı-Nura ózeninde jáne de qardaǵy sýdyń qory Jaman kóń ózeninde úsh ese kóp. Biraq ol tótenshe jaǵdaılarǵa ákelip soǵady dep aıtýǵa bolmaıdy. О́ıtkeni bári aýa raıyna baılanysty», - oblystyq TJD basshysynyń orynbasary Murat Qatpanov.