Byltyr Astanada 800-den astam órt tirkelgen

TJD málimetterine sáıkes, 2016 jyly Astana qalasy aýmaǵynda 77 tótenshe jaǵdaı tirkeldi, onyń 80% tehnogendik sıpattaǵy tótenshe jaǵdaır (tehnogendik - 62, tabıǵı - 15). Ýaqytyly qabyldanǵan aldyn alý sharalarynyń arqasynda 2016 jyly tótenshe jaǵdaılardyń sany 2,5 esege, zardap shekkender sany 3,5 esege jáne qaza tapqandar sany 2 esege tómendedi. Bul týraly astana.gov.kz habarlady. 2016 jyly elordada 811 órt tirkeldi, sonyń saldarynan materıaldyq zııan 17 mln. 050 myń teńgeni qurady, órttiń qaýipti faktorlarynan 19 adam qaza tapty, 58-i túrli dárejedegi jaraqat aldy. TJ taldaýyna sáıkes, tótenshe jaǵdaılar men oqıǵalardyń 95%-y (846-dan 811) óndiristik jáne turmystyq órtterge tıesili, onyń ishindegi jartysynan kóbi turǵyn úı sektorynda (411 oqıǵa) tirkeldi. Osyny eskere otyryp, TJD qyzmetkerleri jergilikti polısııa qyzmetimen (JPQ) birge 49 myńnan asa kóp páterli jáne jeke turǵyn úılerdi aralap, úı ıelerine órt qaýipsizdigi talaptaryn saqtaý qajettiligi týraly jadynama taratty. Otty abaısyz paıdalaný sebebinen bolatyn órtterdiń aldyn alý maqsatynda JPQ-men birge ATOJ tulǵalardy tabý yqtımal oryndarda 161 reıd júrgizip, 514 adamdy qamtydy, sonymen qatar turmys jaǵdaıy tómen otbasylardy aralady. Jergilikti polısııa qyzmeti, jedel medısınalyq qyzmeti jáne ózge jedel qyzmettermen birge 18 jalpy garnızondyq órt-taktıkalyq oqý-jattyǵý ótkizildi, 3 respýblıkalyq komandalyq-shtabtyq oqý-jattyǵýlarǵa qatysty. Azamattyq qorǵaý kúshteriniń TJ-ǵa áreket etýi: «112» jáne «101» jedel qyzmet telefondaryna 568 669 habarlama qabyldandy. TJ áreket etý úshin qutqarý bólimshelerimen 5 myńdaı jedel shyǵýlar júzege asyrylyp, nátıjesinde 380 adam qutqaryldy jáne 1 myń 383 adam evakýasııalandy. Sý aıdyny mańynda adam óliminiń aldyn alý maqsatynda 45 eskertý belgisi ornatylyp, sýdaǵy is-qımyl tártibine 630 bala oqytyldy, qala mektepterinde ashyq sabaqtar ótkizilip, onda 300 oqýshy qamtyldy. Ortalyq jaǵajaıda sýda qutqarý stansııasynyń qyzmetkerlerimen balalardy júzýge úıretý jumysy júrgizildi. «Qaýipsiz demalystar» jalpy qalalyq aksııasy sheńberinde 50 mektep aldy lagerde aldyn alý is-sharasymen 800 bala qamtyldy. Astana qalasynyń TJD bazasynda 380 oqý-jattyǵý ótkizilip, oǵan jergilikti atqarýshy organdar, ortalyq atqarýshy organdardyń aýmaqtyq bólimsheleri , 21 azamattyq qorǵaý qyzmeti men sanatqa jatqyzylǵan uıymdar jumyldyryldy.