Qazaqstannyń orys tilinde oqytatyn mektepteri úshin qazaq tilin oqytý ádistemesi ázirlendi, osy rette qazaq tilin oqýǵa arnalǵan Soyle.kz mobıldi qosymshasy ázirlendi. Bul jóninde QR bilim jáne ǵylym mınıstri Erlan Saǵadıev Parlament Májilisinde ótken úkimet saǵatynda málimdedi.
«Nazar aýdarýdy qajet etetin problemalardyń biri – orys mektepterinde oqyp, qazaq tilinde sóılemeıtin balalar. Bul mektepter úshin jańa ǵylymı negizde ázirlengen deńgeılik kommýnıkatıvtik ádisteme daıyn. Bıylǵy oqý jylynan bastap biz ony jekelegen mektepterde pılottyq rejımde engizýdi bastaımyz», - dedi mınıstr.
Onyń aıtýy boıynsha, eger pılottyq joba sátti ótse, 2018 jyly bul ádistemeni barlyq mektepterde engizýge bolady.
«Qazaqstannyń orys tilinde oqytatyn mektepterinde sózdik mınımýmdary engizilip jatyr. Endi, eń bastysy, balanyń qazaq tilinde jyldam sóıleı bastaýy qajet. Qosymsha qazaq tilin oqýǵa arnalǵan Soyle.kz mobıldi qosymshasy ázirlendi. Ony júktep alýǵa bolady», - dep qosty Erlan Saǵadıev.
Sondaı-aq, mınıstr elimizdiń barlyq mektepterinde aǵylshyq tilin oqytý týraly da aıtyp ótti. Bıyl 12 myńnan astam pán muǵalimderiniń mektepten tys tildik kýrstardan ótýi bastalady.
