Qazaqstan 117 elge 960-tan astam taýar túrin eksporttaıdy. Bul týraly QR Investısııalar jáne damý mınıstri Jeńis Qasymbek mınıstrliktiń keńeıtilgen alqa májilisinde málim etti.
«Ferrohromdy 188 myń tonnaǵa (+21% zattaı) artyǵymen eksporttadyq. Biraq, aqshalaı eksporttyq túsim 15 mln. dollarǵa tómendedi. Katodty mystyń eksporty fızıkalyq kólemde 36 myń tonnaǵa ósti, biraq tómendegen qundyq máni 90 mln. AQSh dollarynan astam.(Katodty mystyń eksporttyq baǵasy ortasha eseppen 950 dollarǵa, sary fosfor 1400 dollarǵa tómendedi.)»,- dedi mınıstr.
Osyǵan baılanysty Qytaı, Iran, Túrkııa naryǵyna shyǵý jónindegi, saýda mıssııalaryn uıymdastyrý, eksporttyq kelisimderdi qarjylandyrý, shyǵyndy óteý kelisimderin júzege asyrý jolymen eksporttaýshylarǵa kómektesý jumystary kúsheıtildi.
Mınıstr Jeńis Qasymbektiń aıtýynsha, osy jumystardyń nátıjesinde elektrotehnıka (+38,8%-ten 134,3 mln.doll, deıin), daıyn metall buıymdary (+11,4% 92,2 mln.doll deıin), rezına jáne plastmassa buıymdary (+14,5% 55 mln.doll.deıin), qurylys materıaldary (+43,6%-ten 50,2 mln.doll. deıin), jáne taǵy basqa daıyn ónim eksporty artatyn bolady.
«Atalǵan jumysty kúsheıtý úshin QR Úkimeti janynan eksport jónindegi Ulttyq keńes, al KazEksportGarant bazasynda mamandandyrylǵan ulttyq kompanııa «KAZAKH EXPORT» qurylady.
Jalpy, 2017 jyl óńdelgen eksport ósiminiń qalpyna kelgen jyly bolady dep esepteımiz»,-dedi mınıstr J.Qasymbek.
QR Investısııalar jáne damý mınıstri EYDU standartyna sáıkes eldiń ınvestısııalyq klımatyn jetildirý boıynsha jumystardy jalǵastyrýda.
Buǵan deıin EYDU ınvestısııa jónindegi Komıteti EYDU Keńesine Qazaqstandy qatysýshy retinde shaqyrý sheshimin qabyldady. Keńestiń sheshimi bıyl naýryz-sáýir aılarynda belgili bolady dep kútilýde.
Barlyq ınvestorlar úshin «Bir tereze» qaǵıdasy engizildi (300-den astam memlekettik qyzmet). Búginde ol úlken suranysqa ıe bolyp otyr. О́tken jyldyń qorytyndysy boıynsha, 5500-den astam ótinish kelip tústi jáne shamamen 8000 memlekettik qyzmet kórsetildi. Qazir ınvestorlarǵa qoldaý kórsetetin avtomattandyrylǵan júıeni ázirleý boıynsha jumystar júrip jatyr. Sonymen qatar, Investısııalyq ombýdsmen ınstıtýty qyzmet etedi.
Investısııa tartý boıynsha jumystar joǵarǵy deńgeıde kúsheıtildi. Atap aıtqanda, basymdyqqa ıe 10 elde (AQSh, Ulybrıtanııa, Italııa, Ońtústik Koreıa, Iran, Japonııa, Germanııa, Fransııa, Qytaı, Úndistan) ınvestısııa tartý boıynsha arnaıy keńesshiler belgilendi, sonymen qatar, shetelde «Kaznex Invest» AQ-nyń 5 aımaqtyq front-keńsesi ashyldy (AQSh, Germanııa, Túrkııa, BAÁ, QHR).
«Kaznex Invest» AQ bazasynda Investısııa jónindegi «Kazakh Invest» mamandandyrylǵan ulttyq kompanııasy qurylady, ol Úkimettiń atynan maqsatty TUK jáne iri ınvestorlarmen kelissózder júrgizedi.
«Aımaqtyq deńgeıde oblys ákimderiniń basshylyǵymen ınvestısııa tartý jónindegi Keńes quryldy. Qazir Memleket basshysynyń tapsyrmasy boıynsha, eksport jáne ınvestısııa tartý júıesin qaıta formattaý boıynsha jumystardy bastadyq»-dep atap ótti Jeńis Qasymbek.
