Ulttyq bank bazalyq mólsherlemeni azaıtty

Qazaqstan Respýblıkasynyń Ulttyq Banki bazalyq mólsherlemeni +/-1% dálizben 11% deńgeıine deıin tómendetý týraly sheshim qabyldady. 2017 jylǵy qańtardyń qorytyndysy boıynsha ınflıasııa 6-8%-dyq nysanaly dáliz shegine endi. Inflıasııalyq kútýlerdiń tómendeýi, ishki valıýta jáne aqsha naryqtaryndaǵy turaqtylyq pen ahýaldy aldyn ala boljaýdyń artýy, iskerlik belsendiliktiń qaıta qalpyna kelýi, sondaı-aq syrtqy ekonomıkalyq jaǵdaılardyń qolaıly bolýy aqsha-kredıt jaǵdaılaryn jumsartýǵa negiz boldy. Bazalyq mólsherlemeniń jańa deńgeıi baǵa jáne qarjylyq turaqtylyq arasyndaǵy uzaqmerzimdi teńgerimdi kórsetedi jáne, tıisinshe, aqsha-kredıt saıasatyn odan ári jumsartý áleýeti shekteýli. Bazalyq mólsherleme boıynsha sheshim mynadaı faktorlar eskerile otyryp qabyldandy. 2017 jylǵy qańtarda jyldyq ınflıasııa 7,9%-dy qurap baıaýlady jáne Ulttyq Banktiń boljamdaryna tolyq sáıkes keledi. Jekelegen taýar naryqtarynda, aqyly qyzmetter naryqtarynda baǵanyń jyldam ósýi ınflıasııanyń jalpy deńgeıiniń serpinine aıtarlyqtaı áser etpeıdi jáne basqa tutynýshylyq taýarlar men qyzmetter naryqtaryndaǵy qalypty baǵa úrdisterimen óteletin bolady. Halyqtyń ınflıasııalyq kútýlerine qatysty qańtarda júrgizilgen pikirterimge sáıkes respondentterdiń ınflıasııanyń bolashaqtaǵy deńgeıine qatysty kútýleriniń baıqalyp otyrǵan jaqsarý úrdisi olardyń pro-ınflıasııalyq áreketteriniń jumsarǵanyn kórsetip otyr. Inflıasııalyq kútýlerdiń sandyq baǵasy halyqtyń kútýleriniń nysanaly dáliz sheńberinde qalyptasatynyn jáne naqty ınflıasııa máninen tómen (qańtarda – 6,6%) deńgeıde belgilenetinin kórsetip otyr. Bul rette ınflıasııanyń joǵary bolatynyn kútetin respondentterdiń úlesi ótken jyldyń ortasynan beri eń tómengi mánge azaıdy. Osylaısha, qolaısyz kúızelister bolmaǵan jaǵdaıda, ınflıasııa ornyqty túrde búkil 2017 jyl boıy, sondaı-aq 2018 jyldyń 1-jartyjyldyǵynda nysanaly baǵdar sheginde bolady. Halyqtyń da, valıýta naryǵyna kásibı qatysýshylardyń da devalvasııalyq kóńil-kúıi azaıýda, bul pikirterim nátıjelerinen jáne valıýta táýekelderin hedjırleý qunynan kórinip otyr. Depozıttik naryq boıynsha derekter banktik salymdardyń dollarsyzdaný prosesiniń jalǵasyp jatqanyn jáne salymshylardyń ulttyq valıýtany artyq kórý úrdisiniń saqtalyp otyrǵanyn kórsetip otyr. Aldyn ala derekter boıynsha shetel valıýtasyndaǵy depozıtter úlesi 2017 jylǵy qańtardyń sońynda 53%-ǵa deıin tómendedi. Ekonomıkany qaıta qalpyna kelý belgileri anyq kórinýde. Ekonomıkanyń bazalyq salalarynyń damýyn kórsetetin qysqamerzimdi ekonomıkalyq ındıkator 2017 jylǵy qańtarda 103,8%-dy qurap, qalypqa keletin ósý aımaǵynda bolyp otyr. 2017 jyly naqty IJО́-niń ósýi 2%- dan asatyn deńgeıde boljanyp otyr. Iskerlik belsendiliktiń qaıta qalpyna kelýiniń jáne ishki aqsha jáne valıýta naryqtaryndaǵy turaqtylyqtyń jaǵymdy belgileriniń bolýyna qaramastan, ekonomıkanyń odan ári damýy úshin, birinshi kezekte, ınflıasııalyq prosester úshin áleýetti táýekelderi bar syrtqy jáne ishki kúızelisterdiń týyndaý yqtımaldyǵy saqtalýda. Olardyń ishinen álemdik taýar jáne qarjy naryqtaryndaǵy baǵa belgilenimderine óte qatty táýeldilikpen, sondaı-aq saýda áriptesteri elderiniń ekonomıkalaryn qalpyna keltirý jyldamdyǵymen baılanysty syrtqy táýekelderdi de, bıýdjet shyǵystaryn ulǵaıý jaǵyna qaraı qaıta qaraýdy da atap ótken jón. Bazalyq mólsherleme boıynsha bolashaqtaǵy sheshimder ishki suranystyń irgeli faktorlarynyń budan keıingi serpinine jáne qarjy sektoryndaǵy ahýaldyń ornyqtylyǵyna baılanysty bolady. Bazalyq mólsherleme boıynsha kezekti sheshim 2017 jylǵy 10 sáýirde Astana ýaqyty boıynsha 17.00-de jarııalanady.