Azııa ǵalymdary shet memleketterde qyzmet etkisi kelmeıdi

Azııanyń 10 jyl buryn dıplom alǵan 8% ǵalymy ǵana ózge elderde jumys istegen. Bul týraly life.ru habarlady. Indonezııa, Malaızııa, Sıngapýr jáne Taıland memleketterinde júrgizilgen zertteý jumystarynyń qorytyndysy boıynsha bul elderdiń ǵalymdary sheteldik áriptesterimen qarym-qatynas ornatýǵa asa qulyq tanytpaıdy eken. Joba avtorlary munyń tájirıbe almasýyna jáne ınnovasııanyń damýyna keri áserin tıgizedi dep esepteıdi. Joǵaryda aıtylǵan elderde doktorlyq nemese basqa da ǵylymı ataq dárejesin alǵan jas mamandar ishinde tek 8%-y ǵana ózge elderde qyzmet etken. Dıplomyn alǵannan keıin jas azııalyq ǵalymdar kóbine qysqa merzimdi, naqtyraq aıtqanda úsh aılyq issaparǵa attanyp, negizinen Soltústik Amerıka nemese Eýropa elderindegi áriptesterimen birge qyzmet etedi. Buǵan jas ǵalymdar halyqaralyq odaǵynyń zertteý jumystary dálel bolyp otyr. Belgili bolǵandaı kórshiles eldermen tek 18%-y ǵana baılanys ornatady eken. Bul da óz kezeginde tómengi kórsetkish bolyp esepteledi. Sonymen qatar, 40%-y óz elinde negizinen bilim oryndarynda jumys isteıdi. Indonezııa, Malaızııa, Sıngapýr jáne Taıland memleketteriniń shamamen 70% jas ǵalymdary óz elderinen ketýdi josparlamaıtyn kórinedi. Zertteý jumystarynyń avtorlary mundaı úrdis óz kezeginde atalǵan elderdiń ǵylymı deńgeıiniń tómendeýine, jańa ıdeıalardyń, túrli ǵylymı kózqarastardyń qalyptasýyna keri áserin tıgizedi dep esepteıdi.