Qazaqstanda bıyl tústi metaldar óndirisi ulǵaıtylmaq

2017 jyly tústi metaldar óndirisin 110% deıin jetkizý josparlanyp otyr, dep málimdedi QR ınvestısııalar jáne damý vıse-mınıstri Albert Raý mınıstrliktiń keńeıtilgen alqa otyrysynda. «О́ndiristi, eń aldymen, Kazminerals, Qazhrom esebinen ulǵaıtý josparlanyp otyr. Munda júıeli problemalar joq. О́tken jyly Qytaı men Reseıge ótkizý kólemderiniń azaıýyna baılanysty, temir keni boıynsha tómendeý oryn aldy. Bıylǵy jyly ósirý úshin barlyq múmkindikter bar. Sonymen qatar jyl sońyna deıin temir keni shıkizaty boıynsha teńgerim qalyptastyrylmaǵan», – dedi A. Raý. Birinshi vıse-mınıstrdiń aıtýy boıynsha, qara metallýrgııa boıynsha óndiris kólemderin ulǵaıtý josparlanǵan. Ol úshin barlyq múmkindikter bar. Alaıda júıeli sharalar da bar – metall synyqtaryn shyǵarýǵa tyıym salý, metall synyǵyn avtomobıl kóligimen Reseıge shyǵarýǵa tyıym salynǵan. «Qazaqstandyq qamtý máselesi negizgi másele bolyp tabylady. Qurylys materıaldary, metall prokaty boıynsha – bul turǵyn úı, ınfraqurylym nysandaryn salý kezinde ónimdi barynsha paıdalaný máselesi. Metaldardyń úshten bir bóligi Iranǵa satylady. Bıyl bul el ımporttyq keden bajyn kóbeıtpek. Tústi metallýrgııa boıynsha oń trend baıqalady», – dep qosty ol. A. Raý atap ótkendeı,  ótken jyly hımııa salasy boıynsha shaǵyn tómendeý oryn alǵan. Eń aldymen, ol eýropalyq naryqta sary fosfordy ótkizý jónindegi problemaǵa qatysty. «Mashına jasaý salasy boıynsha ótken jyly oryn alǵan tómendeý kólik naryǵyndaǵy jáne ónerkásiptik naryqtaǵy suranystyń tómendeýine baılanysty. Avtoónerkásip boıynsha oń ósim bolady dep senemiz», – dep anyqtady A. Raý.