EKSPO-2017 kórmesi úshin salynǵan turǵyn úılerdiń qurylysy aıaqtaldy.
Osynyń nátıjesinde 1 300 páter paıdalanýǵa berildi. Bul jóninde «Báıterek» UBH» basqarma tóraǵasy Erbolat Dosaev QR Investısııalar jáne damý mınıstrliginiń keńeıtilgen alqa otyrysynda habarlady.
Sondaı-aq, E. Dosaev EKSPO-2017 aýmaǵynda ornalasqan, aýdany 138 myń sharshy metr Mega Silkway qurylysynyń aıaqtalǵany týraly da habarlady.
«Nurly jol» memlekettik baǵdarlamasy aıasynda holdıngke 2016 jyly jaldamaly jáne nesıelik turǵyn úılerdiń qurylysyna Ulttyq qor men respýblıkalyq bıýdjetten 221 mlrd 600 mln teńge bólindi. Josparlanǵan qarajat tolyq kólemde ıgerilip, 485 400 sharshy metr turǵyn úı paıdalanýǵa berildi», – dedi E. Dosaev.
Osylaısha, 8,5 myńǵa jýyq qazaqstandyq baspanaly boldy, onyń jartysy 35 jasqa deıingi jastar. Holdıng basshysynyń aıtýy boıynsha, 2017 jyly taǵy 12,5 myń páter paıdalanýǵa beriledi.
