«Egemen Qazaqstan» RG» AQ Basqarma tóraǵasy Darhan Qydyráli men «Ulttyq testileý ortalyǵy» RMK dırektory Ramazan Álimqulov ózara yntymaqtastyq týraly memorandýmǵa qol qoıdy.
Atalǵan kelisim negizinde taraptar Ulttyq biryńǵaı testileýge daıarlaý boıynsha birlesken is-qımyl josparyn qabyldady. Iаǵnı, aldaǵy ýaqytta bas basylym bıylǵy túlekter men joǵary oqý ornyna qujat tapsyrýshylarǵa arnalǵan Ulttyq biryńǵaı testileý suraqtary men jaýaptaryn jarııalaı bastaıdy. Darhan Qýandyquly gazet ishindegi kitapsha túrinde jarııalanatyn bul test materıaldary UBT-ǵa daıarlaýǵa kómektesetinin aıtty. Sonymen birge, atalǵan jobanyń oqyrmandardyń basym bóligin quraıtyn bilim berý, jalpy bıýdjettik sala qyzmetkerlerine qoldaý kórsetý jáne ınternet júıesimen qamtylmaǵan alys aýyldardaǵy oqyrmandarǵa qolaıly múmkindik týǵyzý ekenin atap ótti.
– Búginde gazetimizde bilim salasyna arnalǵan eki bet turaqty túrde shyǵa bastady. «Tálim» beti muǵalimder ádistemesi men mektep salasyna, bala tárbıesine arnalsa, «Bilim» beti salany tutas qamtıdy. Biz búgingi kelisim aıasynda bıylǵy testileý erekshelikteri men jańa mamandyqtardy tańdaý, granttar týraly málimetterdi oqyrman nazaryna usynbaqpyz. Basqa da tehnıkalyq máseleler qamtylatyn osy joba arqyly túlekter ózderine qajetti málimetterge qol jetkize alsa, psıhologııalyq turǵydan daıyn bolyp, durys tańdaý jasasa, kózdegen maqsatymyzdyń oryndalǵany, dedi D.Qydyráli.
«Ulttyq testileý ortalyǵy» RMK dırektory Ramazan Sıhymuly 200 myńnan astam oqyrmany bar «Egemen Qazaqstan» gazetimen birlesken jobany júzege asyrý úlken mártebe ekenin atap ótti.
– Qazaqstannyń túkpir-túkpirine taraıtyn elimizdegi eń iri basylym arqyly júzege asatyn joba sheńberinde bıylǵy UBT-ǵa qatysýshylar deńgeıiniń joǵarylaýyna múddelimiz, dedi R.Álimqulov.
О́z kezeginde basylym basshysy bul jobanyń oqyrman suranysyn qanaǵattandyratyn bastama bolaryna senim bildirdi.
Dýman ANASh, «Egemen Qazaqstan»
