Mádenıet kókjıegi keńeıedi

Memlekettik hatshy Gúlshara Ábdiqalyqova Reseı Federasııasynyń Mádenıet mınıstri Vladımır Medınskıımen kezdesti. Kezdesýdiń basynda G.Ábdiqalyqova Qazaqstan Prezıdentiniń tapsyrmasy boıynsha Reseıdiń Mádenıet mınıstrine halyqtar arasyndaǵy tatýlyqty, dostyq pen yntymaqtastyqty nyǵaıtýǵa qosqan úlesi úshin II dárejeli «Dostyq» ordenin tabys etti. Kezdesýde Memlekettik hatshy eki el halqynyń san ǵasyrlar boıy arqaýy úzilmegen tarıhı baýyr­las­tyqty, dostyq pen tatý kórshilikti bekem ustanyp kele jatqanyn atap ótti. Sondaı-aq, Reseıdiń Mádenıet mı­nıstrine Keıki batyrdyń súıegin tarı­hı Otanyna qaıtarý isine baıla­nysty tyǵyz yntymaqtastyq úshin alǵys bildirdi. Buǵan qosa, G.Ábdiqalyqova Reseı tarapynyń shaqyrýy bo­ıyn­­sha qazaq­standyqtardyń túr­li is-sharalarǵa belsene qaty­syp júrgenin aıtty. Máselen, byl­tyr «Astana Balet» teatry «Zvez­dy belyh nocheı» halyq­ara­lyq festıvalinde erekshe óner kór­setse, «Astana Opera» teatry Sankt-Peterbýrgte Morıs Jarr­dyń «Parıj Qudaı ana­synyń sobory» baletin qoıǵan bolatyn. Taraptar Qazaqstan men Reseı arasyndaǵy XXI ǵasyrdaǵy tatý kór­shilik jáne odaqtastyq týraly shart­qa erekshe nazar aýdardy. Olar­­dyń aıtýynsha, qalyptas­qan tarıhı baılanystar negizinde or­taq mádenı keńistikti nyǵaıtýǵa sep­­tigin tıgizetin bul mańyzdy qu­­jat eki eldiń rýhanı jáne máde­nı ja­qyn­dyǵyn saqtaýǵa yqpal etpek. Budan bólek, Memlekettik hat­shy eki eldiń Mádenıet mı­nıstr­likteri arasynda 2019 jyl­dy Reseı men Qazaqstan ara­syn­daǵy mádenı baılanystar jy­ly dep jarııalaý múmkindigi qaras­tyry­lyp otyrǵan Mádenıet sala­syn­daǵy 2017 jylǵa arnalǵan bir­les­­ken is-qımyl josparyna qol qoıýdyń mańyzdylyǵyn atap ótti. Kezdesý barysynda G.Ábdi­qa­lyqova bıyl Astanada EKSPO-2017 halyqaralyq kór­me­­si óteti­nine, onyń aıasynda Nursul­tan Nazarbaevtyń tapsyr­masy bo­ıynsha búkil qazaq­stan­dyq mádenıettiń keń aýqymdy tanystyrylymy bolatynyna toqtala kele, jalpy EKSPO-2017 kórmesine Reseıdiń belsene atsa­ly­satynyna senim bildirdi. Al V.Medınskıı II dáre­jeli «Dostyq» ordenin tabys etkeni úshin Qazaq­stan Prezı­­dentine rızashy­lyǵyn bildir­di. «Men muny Reseıdiń máde­nıet salasynyń bar­l­yq qyzmet­kerlerine kór­setilgen qurmet dep esepteı­min. Olar Qazaq­stanǵa, Astanaǵa aıryqsha yqylas-nıetpen barady. Sebebi, bul el – bizdiń jaqyn kórshimiz», dedi Reseıdiń Mádenıet mınıstri. Láıla EDILQYZY, «Egemen Qazaqstan»