El damýynyń mol múmkindigi

L.N.Gýmılev atyndaǵy Eýrazııa ulttyq ýnıversıteti zań fakýltetiniń stýdentteri Elbasynyń bılik tarmaqtary arasynda ókilettikterdi qaıta bólý jónindegi Úndeýi men bıylǵy «Qazaqstannyń Úshinshi jańǵyrýy: jahandyq básekege qabilettilik» atty Joldaýynyń negizgi baǵyttaryn talqylaý maqsatynda bas qosty. Qazirgi tańda elimiz boıyn­sha qyzý talqylanyp jatqan bul taqyryptarǵa stýdentterdiń qyzyǵýshylyq tanytýy óte oryndy. О́ıtkeni, elimizdiń kele­shegi sanalatyn búgingi jas­tar óz otanynyń búgingi ty­nys-tirshiligin, alǵa qoıǵan maq­sattaryn bilip júrýi tıis. Eýropalyq quqyq jáne adam quqyqtary saraptamalyq ınstıtýtynyń dırektory, zań ǵylymdarynyń doktory, L.N.Gýmılev atyndaǵy EUÝ Halyqaralyq quqyq kafed­rasynyń professory Marat Báshimov júrgizgen jıyn­da stýdentter ózderiniń oı-pikir­lerin ashyq aıtyp, belsin­dilik tanytty. Jıyn barysynda stýdentter bıylǵy 1 qańtardan bastap Qazaqstannyń BUU Qaýipsizdik Keńesine turaqty emes múshesi retindegi qyzmetin oıdaǵydaı atqaryp kele jatqanyn, Asta­nanyń Sırııa daǵdarysyn dıp­lomatııalyq jolmen sheshý maqsatynda múddeli taraptarǵa kelissózder júrgizý úshin dıa­log alańyn usynǵanyn aıta kelip, bul máselelerdiń barlyǵy elimizdiń álemdik qoǵamdas­tyq aldyndaǵy bıik bedelin kórsetetinin jetkizdi. Sondaı-aq, olar elimizde qol­ǵa alynǵan konstıtýsııalyq re­for­malardyń jáne bıylǵy Jol­daýdyń basym baǵyttary­nyń mańyzdylyǵyna nazar aýdar­dy. Stýdentterdiń aıtýynsha, Memleket basshysy usynǵan konstıtýsııalyq reforma­lar elimizdi demokratııalan­dyrý úderisin odan ári sátimen jalǵastyra túsýge jol asha­dy. Al Prezıdent eldiń syrtqy saıasaty men ulttyq qaýipsiz­dik jáne qorǵanys salasyn óz quzyretinde ustaıdy, buǵan qosa, bılik tarmaqtary arasyn­da joǵarǵy arbıtrlyq ról atqarady. Basqosýda stýdentter prezı­denttik bıliktiń birqatar óki­let­tiginiń Parlament pen Úki­metke beriletini elimiz úshin mańyzdy ekenin atap ótti. Olardyń oıynsha, bul qadam Parlamenttiń ókilettigin keńeı­tedi, al Úkimettiń halyq al­dyn­daǵy jaýapkershiligin kú­sheı­tedi. Atalǵan máselelerdi is­ke asyrý úshin Konstıtýsııa men qol­­danystaǵy birqatar zańdar­ǵa ózgerister engizý qajettigi týyn­­­daıdy. Osy oraıda sharaǵa qaty­sý­shylar Konstıtýsııaǵa engizilmek ózgeristerdiń halyq talqysyna salynýyn quptaı otyryp, onyń el múddesine saı qabyldanatynyna senim bildirdi. Sonymen qatar, jas­tar El­ba­synyń Qazaqstan hal­qyna Joldaýynyń basym baǵyt­tarynan týyndaıtyn min­d­etterdi de saralap, atalǵan qujat talaptarynyń oryndalýy eli­miz­diń damyǵan 30 memlekettiń qataryna qosylýyna tikeleı áser etetinin, ekonomıkamyzdyń damýyna tyń serpin beretinin jetkizdi. Joldybaı BAZAR, «Egemen Qazaqstan»