Joldaý jańalyqtary jaqsylyqtarǵa bastaıdy

Qazaqstan Prezıdenti Nursultan Nazarbaev bıylǵy 31 qańtarda óz halqyna arnalǵan «Qazaqstannyń Úshinshi jańǵyrýy: jahandyq básekege qabilettilik» atty Joldaýyn jarııalady. Bul mán-mańyzy joǵary qujattyń Qazaq­standy odan ári damyta túsý­degi róli erekshe dep oılaımyn. Qazaqstan jańǵyrýdyń birinshi jáne ekinshi kezeńderinen sátti ótti. Sondaı-aq, Qazaqstan álemdik naryqtaǵy munaı baǵasynyń quldy­raýynan týyndaǵan qarjylyq qıyndyqtarǵa qaramastan, «Nurly jol» memlekettik baǵdarlamasy arqasynda ekonomıkalyq ósimge qol jetkize bildi. Prezıdent Nursultan Nazarbaev aldaǵy kezeńderde eldi odan ári damyta túsý úshin tarıh qoınaýyna engen sońǵy 25 jyldaǵy jetistikterdi eskere otyryp, «Qazaq­stan-2050» Strategııasy ne­gi­zin­de Tórtinshi ónerkásiptik revol­ıýsııa talaptaryn eńserý maq­satynda Qazaqstannyń Úshinshi jańǵyrý mindetterin kún tártibine shyǵardy. Prezıdent N.Nazarbaev óziniń Joldaýynda bes basymdyq­ty atap kórsetti. Olar: ekonomı­ka­nyń jedeldetilgen tehnıkalyq jań­ǵyrtylýy, bıznes-ortany túbegeıli jaqsartý jáne keńeıtý, makroekonomıkalyq tu­raq­tylyq, adamı kapı­tal sapasyn jaqsartý, sondaı-aq, ınstıtýttyq ózgerister, qaýipsizdik jáne sybaılas jemqor­lyqpen kúres. Nursultan Nazarbaev bilim berý salasyna ın­ves­tısııa salýǵa únemi basymdyq be­rip keledi. Buǵan qosa, Memleket bas­shysy Qazaqstan Táýelsizdigi­niń 25 jylynda jetekshi rólge ıe bol­ǵan adamı kapıtaldyń mańyz­dy eke­ni­ne árdaıym basa nazar aýdarady. Joldaýda kózge birden túsetini – úsh tilde bilim berýge birtindep ótý máselesi. 2019 jyldan bas­tap 10-11-synyptarda sabaqtar aǵylshyn tilinde júrgizilmek. Bul – negizinde durys sheshim. О́ıt­keni, biz qalasaq ta, qalamasaq ta aǵylshyn tiliniń qoldanys aıasy kún sanap ósip keledi. Aǵylshyn tilin­degi aqparattar kólemi arta túsý­de. Álemdik kommýnıkasııada aǵyl­shyn tili asa joǵary mańyzǵa ıe. Ońtústik Koreıada da aǵylshyn tilin qosa paıdalaný jóninde kóp­tegen pikirtalastar boldy. Biraq biz áli bir bátýaǵa toqtaǵan joqpyz. Sondaı-aq, Tórtinshi ónerká­siptik revolıýsııaǵa daıyndyq aıa­synda oqytý josparlaryn qaı­ta qaraý Qazaqstannyń Úshinshi jań­ǵyrýynyń tabysty júrgizilýine múmkindik beredi. Qysqasy, eń basty qundylyq – adam. Al adam ıgiligi úshin at­qarylǵan árbir is jemisti bolýy tıis. Om Gý HO, Hanıan ýnıversıteti Azııa-Tynyq muhıty zertteý ortalyǵynyń dırektory, professor (Ońtústik Koreıa)