Eldi ilgeriletýge baǵyttalǵan

Qazaqstan Prezıdentiniń halyq­tyń talqylaýyna usynǵan jańa konstıtýsııalyq reformasy – eldegi zań ústemdiginiń, demokratııanyń jáne ekonomıkanyń nyǵaıýyna jol ashatyn mańyzdy qadam. Myqty ınfraqurylymdy qa­lyptastyrý jáne memlekettiń geo­grafııalyq ornalasýyn tıimdi paıdalaný – bul mem­lekettik atqarýshy jáne parlamenttik basqarý tetigi qolǵa alǵan negizgi mindetterdiń biri. Máselen, bul mindetti nátıjeli júzege asyrý arqyly ashyq saıasat júrgize otyryp, eldiń ekonomıkalyq ósimine yqpal etýge bola­dy. Al ol óz kezeginde sheteldik ınvestısııa­ny tartýǵa da sep bolary anyq. Buǵan qosa, bul jergilikti bıznes úshin jańa múmkindikterge jol ashyp qana qoımaı, azamattar úshin jańa jumys oryndarynyń ashylýyna da kómegin tıgizbek. Qazaqstan Prezıdenti óziniń memleketi úshin neniń tıimdi bolatynyn biletin Kóshbasshy tulǵa. Sol sebepti, Parlamentke, Úkimetke óz ókilettiliginiń aýqymdy bóligin berý arqyly olarǵa jaýapkershilik júk­tep qana qoımaı, Úkimet sheshim­deri boıynsha qabyldanǵan máselelerde sheshýshi róldi senip tapsyrǵaly otyr. Bul memlekettiń ekonomıkalyq ósimin qamtamasyz etý arqyly el turǵyndarynyń ómir súrý sapasyn odan ári arttyrý baǵytynda jasalǵan qadam. Jańa reformada kórsetilgen jańa mindetter Qazaqstannyń óńir­de qalyptasyp úlgergen turaqtylyq pozı­sııasyn odan ári nyǵaıtýǵa, halyqaralyq arenadaǵy óziniń róli men ornyn aıqyndaı túsýine belsendi túrde áser etýi múmkin. Sondyqtan, men nátıje ári tabys ákeletin jańa konstıtýsııalyq ózgeristerge aıryqsha mán berý qajet dep esepteımin. Sebebi, bul ózgerister turaqtylyqty nyǵaıtýdy, damý men ilgerileýdi qamtamasyz etýdi kózdep otyr. Biz bir-birimizden áli de kóp nárseni úı­renýi­miz kerek. Alaıda, alǵashqy jasalǵan qadam qashan da mańyzdy. Budan keıin sózsiz, bizdi biriktiretin ortaq mindetterdi aıqyndaýǵa jol ashylatyn bolady. Ionash Florın ÝRKAN, Jerorta teńizi Parlamenttik Assambleıasynyń elshisi