Túbegeıli ózgerister kezeńi

Ulttyq ulan Petropavl áskerı ınstıtýtynda Qazaqstan halqy Assambleıasy kafedralary qaýymdastyǵynyń respýblıkalyq otyrysy ótti. Oǵan óńirlerdegi assambleıa kafedralarynyń ókilderi, etnomádenı birlestikterdiń jetekshileri, máslıhat depýtattary, úkimettik emes uıymdar músheleri, jastar, áskerı ınstıtýttyń jeke quramy qatysty. Talqyǵa «Qazaqstannyń Úshinshi jańǵyrýy: jahan­dyq básekege qabilettilik» Jol­daýy shyǵarylyp, El­basy belgilep bergen bes basymdyq basty ta­qy­ryp arqaýyna aınaldy. Jı­ynnyń moderatory, saıası ǵylymdar doktory Ju­mabek Ahmetov óz só­zinde Prezıdent jahandyq báse­kelestiktiń ósýi jáne álemdik turaqsyzdyq jaǵ­daıynda da Qazaqstan hal­qyn jarqyn belesterge bas­tap kele jatqanyn, úshin­shi jańǵyrý 2012 jy­ly qabyldanǵan «Qazaq­stan-2050» strategııasynyń jar­qyn jalǵasy bolyp tabylatynyn, basty máni otyz eldiń qataryna qaraı turaqty túrde ilgerileýdi qamtamasyz etetinin atap kórsetti. Oblystyq Assambleıanyń hatshylyq meńgerýshisi Naıl Salımov jańa kezeńge qadam basqan elimizdiń kez kelgen qıyndyqty eńsere alatynyn jetkizdi. Shırek ǵasyr ishinde teńdessiz tájirıbe jınaqtadyq. Basty kúshimiz birlikte, yntymaqta ekenin bárimiz jaqsy túsinemiz. Bul baǵyttaǵy tańdaýymyz aıqyn deı kelip, Qostanaı, Kókshetaý jáne Soltústik Qazaqstan oblystarynda qurylǵan Qazaqstan halqy Assambleıasy kafedrala­ry­nyń jumysyna sáttilik tiledi. Otyrysta oblystyq más­lıhattyń hatshysy Vla­dımır Býbenko, M.Qozybaev atyndaǵy Soltústik Qa­zaq­­­stan memlekettik ýnı­ver­­sıtetiniń prorektory La­ýra Qaıyrjanova, evreı má­denı ortalyǵynyń tóraǵasy Rashbıl Evdaev, «Bar­bang» kúrdter asso­sıa­sııasy jergilikti fılıa­lynyń jetekshisi Rashıd Nadırov, Qazaqstan halqy Assambleıasy Ǵylymı-sarap­tama tobynyń tóraǵasy, A.Myrzahmetov atyndaǵy Kókshetaý ýnıversıtetiniń halyqaralyq qatynastar, tarıh jáne áleýmettik máse­leler kafedrasynyń meń­gerýshisi Ardaq Qapyshev, Ulttyq ulan Petropavl áskerı ınstıtýtynyń kýrsan­ty Rýslan Sýhorýchkın sóı­lep, Elbasy júktegen ke­leli mindetterdiń mańyz­dyly­­ǵyna, ómirsheńdigine jınal­ǵandardyń nazaryn aýdardy. Sheshenderdiń qaı-qaısysy bolsyn túbegeıli ózgeris kezeńinde ekonomıka­men qatar, áleýmettik sala­larǵa da erekshe ekpin tú­sirilgenin, alda óske­leń urpaqty rýhanı-adamger­shilik rýhynda tárbıeleýdiń sharalaryn kúsheıtý min­det­teri turǵanyn tilge tıek etti. О́mir ESQALI, «Egemen Qazaqstan» Soltústik Qazaqstan oblysy