Ulttyq bank aınalymnan 2,1 trln. teńgeni alyp tastady

Qańtar aıynyń sońyndaǵy jaǵdaı boıynsha, Ulttyq bank aınalymnan 2,1 trln. teńgeni shyǵardy, dep habarlaıdy QazAqparat. «2017 jyldyń qańtarynan, Qarjy mınıstrligi qarjy naryǵynyń qatysýshylary arasynda memlekettik baǵaly qaǵazdardy ornalastyra bastady. 2015 jyldyń qazan aıynan alǵash ret Qarjy mınıstrligi barlyq qatysýshylar úshin qarjy naryǵyndaǵy jaǵdaıǵa saı keletin memlekettik baǵaly qaǵazdardy shyǵardy. Sońǵy kezde ınflıasııamen sáıkes keletin memlekettik baǵaly qaǵazdar tek Biryńǵaı jınaqtaýshy zeınetaqy qory úshin shyǵarylyp kelgen bolatyn. 2017 jyldyń 1,5 aıynda 144,4 mlrd. teńge shyǵaryldy», - dedi Ulttyq bank basshysy Danııar Aqyshev brıfıng barysynda. Ol sonymen qatar 2016 jyldyń sońynda retteýshi organ memlekettik baǵaly qaǵazdardy 5 jylǵa deıingi merzimge bere bastaǵandyǵyn eske saldy, bul óz kezeginde Qarjy mınıstrligine ortamerzimdi qaryz qarajattyń qunyna qatysty baǵyt berdi. Jalpy, qańtar aıynyń sońyndaǵy jaǵdaı boıynsha, Ulttyq bank aınalymnan 2,1 trln. teńgeni shyǵardy. Qysqamerzimdi notalardyń aınalymdaǵy kólemi 2,8 trln teńgege jetti. Aqshalaı naryqtyń stavkalary bekitilgen dálizdiń sheńberinde qalýda. 2017 jyldyń 17 aqpanynda REPO birmezgildi operasııalarynyń stavkasy 11,11%-dy qurady. «Osylaısha, Ulttyq bank ınflıasııa boıynsha maqsattar men makroekonomıkalyq turaqtylyq arasyndaǵy tepe-teńdikti saqtaýda, bul túptep kelgende, ekonomıkalyq ósimge oń áserin beredi. 2016 jyldyń sońyndaǵy jáne 2017 jyldyń qańtaryndaǵy ekonomıkalyq belsendilik birshama artty», - deıdi Ulttyq bank basshysy.