BUU Ońtústik Sýdandaǵy jaǵdaıdy asharshylyq dep jarııalady

BUU Ońtústik Sýdannyń birneshe óńirindegi jaǵdaıdy asharshylyq dep jarııalady. BUU-nyń aıtýynsha, eger jaqyn arada memleketke gýmanıtarlyq kómek kórsetilmese, asharshylyqtan 100 myń adam qaza tabýy múmkin, dep habarlaıdy VVS. IýNISEF-tiń aıtýynsha, Ońtústik Sýdanda mıllıonǵa jýyq turǵyn asharshylyq zardabyn tartýda. Uıymnyń málimetine sensek, olardyń 250 myńy balalar. Sonymen qatar Ońtústik Sýdan halqynyń 40 paıyzy nemese 4,9 mln adam toıyp tamaq ishpeıdi eken. Atalǵan eldegi eń kúrdeli jaǵdaı Vahda provınsııasynda tirkelgen. BUU ókilderiniń aıtýynsha, gýmanıtarlyq uıymdardyń halyqtyń barlyǵyna kómektesýge múmkindigi jetpeıdi. BUU alty jylda alǵash ret jappaı ashtyq týraly jarııalady. Esterińizge sala ketsek, Ońtústik Sýdan táýelsizdigin 2011 jyly alǵan bolatyn. 1998 jyly Sýdannyń táýelsizdik úshin kúresi barysynda-aq Ońtústik Sýdan jerinde birneshe myń adam ashtyqtan qaıtys bolǵan. Sol kezde BUU burynǵy bas hatshysy Pan Gı Mýn bul memlekette genosıd bolýy múmkin ekenin aıtqan edi.