Búgin aýa raıy qubylmaly bolady

Búgin elimizdiń basym bóliginde atmosferalyq aǵymdardyń ótýine baılanysty qar jaýady, keı jerlerde tuman, kóktaıǵaq bolyp, boran soǵady, jel kúsheıedi. Bul týraly «Qazgıdromet» RMK habarlady. Aqmola oblysynda boran soǵyp, keı jerlerinde jeldiń jyldamdyǵy 15-20 m/s deıin, ekpini 23-28 m/s deıin kúsheıedi. Soltústik Qazaqstan, Pavlodar oblystarynyń keı jerlerinde jaıaý burqasyn júrip, kóktaıǵaq bolady, jeldiń kúshi 15-20 m/s, ekpini 23-28 m/s bolady. Qostanaı oblysynda jeldiń kúshi 15-25 m/s bolyp, keı jerlerinde jaıaý burqasyn, tuman, kóktaıǵaq kútiledi. Qaraǵandy oblysynyń keı jerlerinde de qar borap, tańerteń tuman, basym bóliginde jel kúsheıedi, kúndiz keı jerlerde 15-20 m/s bolady. Shyǵys Qazaqstan oblysynyń keı jerlerinde burqasyn, kóktaıǵaq bolady, jel 15-25 m/s kúsheıedi. Qyzylorda, Mańǵystaý, túnde Almaty oblystarynyń keı jerlerinde tuman kútiledi. Atyraý, Ońtústik Qazaqstan oblystarynyń keı jerlerinde tuman kútiledi, kóktaıǵaq bolady. Jambyl oblysynynyń jekelegen aýdandarynda tuman kútiledi, kúndiz jel 15-20 m/s kúsheıedi. Batys Qazaqstan oblysynda keı jerlerinde tuman, kóktaıǵaq bolyp, jel 15-20 m/s kúsheıedi. Aqtóbe oblysynyń keı jerlerinde tuman, kóktaıǵaq kútilýde, túnde jel ekpini 18 m/s deıin jetedi.