Astanada bir táýlik ishinde 53 myń tekshe metr qar shyǵaryldy

Astanada qar kóp jaýyp, qalanyń kommýnaldyq qyzmetteri kúsheıtilgen rejimde júmys isteýge kóshti. Bir táýlik ishinde qala aýmaǵynan 53 myń tekshe metrden asa qar shyǵaryldy. Bul týraly qalalyq ákimdiktiń baspasóz qyzmeti habarlady. Joldardy qardan tazalaý barysynda 2024 arnaıy tehnıka tartyldy. Kóshe jınaý jumystaryna 2176 qyzmetker jumyldyryldy. Qar shyǵarý jumystary táýlik boıy jumys, demalys jáne mereke kúnderi júrgiziledi. Búgin elordada burqasyn jáne jel. «Qazgıdromet» ortalyǵynyń málimetterine sáıkes, qazir Astanada ońtústik-batystan jel turady, onyń ekpini keıde 15-20 m/s jetedi. Aýa temperatýrasy kúndiz 0...-2°S, túnde -5...-7°S. Mamandardyń aıtýynsha, mundaı aýa raıy túnde de saqtalady. Aýa raıyn boljaýshylardyń aıtýynsha, Máskeý sıklonynyń yqpalymen burqasyn eldiń ortalyq jáne soltústik óńirlerine aýysady. Respýblıkalyq mańyzdaǵy avtojoldarda shekteýler engizildi: Astana-Atbasar, Astana-Qaraǵandy, Astana-Shýche, Astana-Pavlodar, bul aımaqta burqasyn jáne 20 m/s jyldamdyqpen jel soǵýda. Qalanyń jedel qyzmetteri avtokólik júrgizýshilerine alys saparǵa shyqpaýǵa keńes beredi.