Dımashtyń jyl sońyna deıin albomy jaryq kóredi

Qazaqstandyq ánshi Dımash Qudaıbergenge qoldaý kórsetip otyrǵan BGTalent prodıýserlik ortalyǵynyń negizin qalaýshy ári bas dırektory Nıe Sınıýan sohu.com-ǵa bergen suhbatynda Dımash týraly pikir bólisti, dep habarlady QazAqparat. Suhbat barysynda ol «I am a singer» baıqaýynyń besinshi kezeńinde Dımashqa ne úshin «Uptown Funk» ánin bergeni týraly aıtty. «Jankúıerlerdiń kóbisi Dımashtyń besinshi kezeńdegi áni onyń altynshy orynǵa syrǵyp ketýine sebep boldy, bul án Dımashqa kelmeıdi dep jatyr. Dımash jas ári talantty ánshi ekenin bári moıyndady. Menińshe, ol osy básekeniń sheńberinde tek jeńis úshin án shyrqap, óz múmkindigin shektep qoımaýy kerek. «I am a singer» baıqaýy Qytaıǵa ǵana emes Shyǵys Azııanyń kóptegen elderinde tanymal. Dımash osy sahnadan óziniń mýzykadaǵy múmkindigin odan ary qaraı keńeıte berýi tıis. Sondyqtan ózine unaǵan ándi tańdap, ónerdegi jańa baǵyttaryn da ashyp kórýge tyrystyq», - dedi Nıe Sınıýan . Onyń aıtýyna qaraǵanda, prodıýserlik ortalyq Dımash arqyly qytaılyq kórermender men jastardyń mýzykaǵa jáne juldyzdarǵa degen túsinigin ózgertýge tyrysqan. Dımashtyń ózgeshe stıli qytaılyq jastardy tek bet-álpetke kóńil bóletin koreıalyq mýzyka mádenıetinen alystatýǵa septigin tıgizgen. «Jyl sońyna deıin Dımashtyń jeke án albomy jaryq kóredi. Odan keıin jekelegen aımaqtarda jeke konsertter uıymdastyrýdy josparlap otyrmyz. Ári qaraıǵy damý barysy Qazaqstandaǵy oqýyn aıaqtap, aǵylshyn tilimen fransýz tilderi deńgeıin joǵarylatqannan keıin jasalady», – dedi Nıe Sınıýan.