Qazaqstan 117 elge 960-tan astam taýar túrin eksporttaıdy

Qazaqstan 117 elge 960-tan astam taýar túrin eksporttaıdy. Bul týraly QR ınvestısııalar jáne damý mınıstri Jeńis Qasymbek mınıstrliktiń keńeıtilgen alqa májilisinde málim etti, dep jazady primeminister.kz Mınıstrdiń aıtýynsha, ferrohromdy 188 myń tonnaǵa 21% zattaı artyǵymen eksporttalǵan, degenmen aqshalaı eksporttyq túsim 15 mln dollarǵa tómendegen, katodty mystyń eksporty fızıkalyq kólemde 36 myń tonnaǵa ósken, biraq tómendegen qundyq máni  90 mln AQSh dollarynan astam. (Katodty mystyń eksporttyq baǵasy ortasha eseppen 950 dollarǵa, sary fosfor 1400 dollarǵa tómendedi.) Osyǵan baılanysty Qytaı, Iran, Túrkııa naryǵyna shyǵý jónindegi, saýda mıssııalaryn uıymdastyrý, eksporttyq kelisimderdi qarjylandyrý, shyǵyndy óteý kelisimderin júzege asyrý jolymen eksporttaýshylarǵa kómektesý jumystary kúsheıtildi. Osy jumystardyń nátıjesinde elektrotehnıka (+38,8%-ten 134,3 mln dollarǵa deıin), daıyn metall buıymdary (+11,4% 92,2 mln dollarǵa deıin), rezına jáne plastmassa buıymdary (+14,5% 55 mln dollarǵa deıin), qurylys materıaldary (+43,6%-ten 50,2 mln dollarǵa deıin), jáne taǵy basqa daıyn ónim eksporty artatyn bolady. Sondaı-aq, J. Qasymbek atalǵan jumysty kúsheıtý úshin QR Úkimeti janynan eksport jónindegi Ulttyq keńes, al KazEksportGarant bazasynda mamandandyrylǵan ulttyq kompanııa «KAZAKH EXPORT» qurylǵanyn aıtyp ótti. Jalpy, 2017 jyl óńdelgen eksport ósiminiń qalpyna kelgen jyly bolady dep kútilýde.