2017 jylǵa arnalǵan respýblıkalyq bıýdjettik ınvestısııalar tizimi bekitildi

Premer-Mınıstr Baqytjan Saǵyntaevtyń tóraǵalyǵymen ótken Úkimet otyrysynda «2017-2019 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyn iske asyrý týraly» Qazaqstan Respýblıkasy Úkimetiniń qaýly jobasy qaraldy, dep jazady primeminister.kz.  Qarjy mınıstri Baqyt Sultanovtyń aıtýynsha, qaýly jobasy Bıýdjettik kodeks talaptaryna sáıkes ázirlengen jáne jergilikti atqarýshy organdarǵa 377,3 mlrd teńge somasynda maqsatty transfertter somasyn bólýden; 250,1 mlrd teńge somasyndaǵy 2017 jylǵa arnalǵan basymdyqty respýblıkalyq bıýdjettik ınvestısııalar tiziminen; keıinge qaldyrý sharttarymen 113,1 mlrd teńge somasynda basymdyqty respýblıkalyq bıýdjettik ınvestısııalar tiziminen; jalpy somasy 438,6 mlrd teńgeni quraıtyn, 147 pozısııa kólemindegi 2017 jylǵa arnalǵan memlekettik tapsyrmalar tiziminen turady. «Budan ózge, 1,5 mlrd teńge somasyndaǵy 2016 jyldyń  respýblıkalyq bıýdjetinen bıýdjettik qarajat qaldyqtarynyń esebinen tıisti bıýdjettik baǵdarlamalardyń jyldyq josparlyq mindetterin ulǵaıtý eskerilgen. Sondaı-aq, qaýly jobasy 4,2 mlrd teńge kólemindegi 2016 jylǵy respýblıkalyq bıýdjetten bólingen maqsatty transfert somasyn jergilikti atqarýshy organdarǵa 2017 jyly damýǵa tolyǵymen paıdalanýdan turady», - dedi B. Sultanov.