Respýblıkalyq mańyzy bar avtojoldarda 1 284 kópir bar

Respýblıkalyq mańyzy bar avtomobıl joldarynda sý tasqyny kezeńinde qaýipsizdikti qamtamasyz etý úshin táýlik boıǵy dıspetcherlik qyzmet uıymdastyrylyp, kún saıyn joldarda kezekshilik júrgiziledi. Bul týraly QR Úkimeti otyrysy barysynda ınvestısııalar jáne damý mınıstri Jeńis Qasymbek aıtty, dep jazady primeminister.kz. J. Qasymbek búgingi tańda bıylǵy jyldyń sý tasqyny kezeńine arnalǵan Sharalar jospary bekitilip, Sý tasqynyna qarsy komıssııalardyń jumysy uıymdastyrylǵanyn baıandady. Respýblıkalyq mańyzy bar avtomobıl joldarynda 1 284 avtojol kópiri men 14 686 sý júretin qubyr bar. Qazirgi kezde táýlik boıǵy dıspetcherlik qyzmet uıymdastyrylyp, avtomobıl joldarynda kún saıyn kezekshilik júrgiziledi, sonymen qatar 496 qaýipti ýchaske, 967 qubyr men 157 kópir baqylaýǵa alynǵan. Bekitilgen josparǵa sáıkes sý tasqyny kezeńinde jumystardy ýaqytyly uıymdastyrý úshin qazirgi kezde qajetti qurylys materıaldary men konstrýksııalary ázirlengen. Qazirgi kezde sý júrgizý qubyryn ashý boıynsha jumystar júrgizilýde, búginde 4 257 qubyr nemese jospardaǵydan 39% ashyldy. Poıyzdardyń úzdiksiz ári qaýipsiz qozǵalysyn qamtamasyz etý, joldardy, jasandy qurylymdardy seńderdi ótkizýge ýaqytyly ázirleý maqsatynda 383 vagonnan turatyn sýdyń buzyp ketýin bógeıtin 42 poıyz quraldy. Búginde 110 vagon qurastyrylǵan. «QTJ» UK» AQ barlyq fılıaldarynda, birinshi kezekte tym shalǵaıdaǵy ýchaskelerde otyn jáne maılaý materıaldarynyń qajetti qory bar. Kópirlerdiń astynda muzdardyń keptelisin joıý úshin muzdardy ýatý boıynsha burǵylaý-jarý jumystaryn júrgizý men qar kóshkinderin qulatý boıynsha kelisimder jasalǵan. Qaýipti jerlerdiń tizimi jasalǵan. «QTJ» UK» AQ fılıaldarynyń dırektorlarynyń naqty áreketteri aıqyndalǵan, aýmaqtyq uıymdarmen birlesip sý qoımalaryna komıssııa tekserý júrgizýde. Mınıstr Azamattyq qorǵanys pen kólik,  jol jáne kópirlerdiń respýblıkalyq qyzmetiniń qolda bar kúshi men qarajaty kóktemgi kezeńdegi tótenshe jaǵdaılardyń saldaryn joıýǵa jáne respýblıkalyq mańyzy bar temirjoldar men avtomobıl joldarynda qozǵalysty qamtamasyz etýge jetkilikti ekenin atap ótti.