Djeıkobs Golovkındi synǵa aldy

Orta salmaqta WBA (Regular) belbeýiniń ıegeri Dennıel Djeıkobs (32-1, 29 KO) aldaǵy qarsylasy WBA (Super), IBO, WBC jáne IBF tujyrymdary boıynsha álem chempıony Gennadıı Golovkındi (36-0, 33 KO) synǵa aldy. Bul týraly vesti.kz habarlady. Onyń aıtýynsha, Golovkınniń ataǵy jer jaryp turǵanmen, ol tek ózinen álsiz, sharshy alańda sońǵy jyldaryn ótkizip júrgen boksshylarmen judyryqtasqan. «Talantyma 100 paıyz senimdimin. Al jattyǵý barysynda qarsylasymdy jeńýge degen senimdiligim odan saıyn arta túsedi. Fızıkalyq qabiletim jetkilikti. Jyldamdyǵymnyń, boıymdaǵy kúshimniń, der kezinde sheshim qabyldaı bilýimniń arqasynda Gennadııdiń alǵashqy jeńilisine sebepshi bolamyn dep oılaımyn. Ol áýesqoı boksta 400-ge jýyq kezdesý ótkizdi dep estidim. Biraq men de odan quralaqan emespin. Shamamen 200 márte rıngke shyqqanmyn. Sondyqtan meniń de tájirıbem jetkilikti. О́zińe senimdi bolý – jeńiske jetýdiń bir joly», – dedi Djeıkobs. «Golovkınniń ókilderi keremet jumys atqardy. Oǵan qarsy sharshy alańda sońǵy jyldaryn ótkizip júrgen sportshylarmen jekpe-jekter uıymdastyrdy. Olar sondaı-aq, naǵyz orta salmaqtyń boksshylary emes edi. Osydan baryp jurt ony jeńilýdi bilmeıtin batyr kórip júr», – dedi ol. Aıta keteıik, Golovkın men Djeıkobs arasyndaǵy aıqas 18 naýryz kúni Nıý-Iork qalasyndaǵy Madison Square Garden arenasynda ótedi. Elimizde bul boks keshin «Qazaqstan» jáne «KazSport» telearnalary tikeleı efırde kórsetedi. Qazaqstandyq boksshy sońǵy 23 jekpe-jegin ýaqytynan buryn aıaqtasa, Djeıkobs 12 urysyn qatarynan nokaýtpen jeńgen.