Rejısser Aqan Sataev QR Mádenıet jáne sport mınıstrligimen birlesip Saq patshaıymy Tomırıs týraly fılm túsirmekshi. Bul týraly rejısserdiń ózi mınıstrliktiń alqa otyrysynda aıtty.
«Bıyl biz mınıstrlikpen birigip "Tomırıs" fılmin bastaımyz. Bul otandyq jáne sheteldik kórermenderdiń qyzyǵýshylyǵyn oıatady dep senemin. Bizdiń kıno ónerin osyndaı týyndymen tolyqtyrýymyz kerek. Bul eldiń halyqaralyq ımıdjine de oń yqpal etedi", - dedi rejısser.
Jyl saıyn qazaqstandyq fılmderdiń álemdik deńgeıde kóbirek tanylǵanyn aıta kelip, Aqan Sataev kınoındýstrııany da naryqtyq jaǵdaıǵa beıimdeý kerektigin tilge tıek etti.
