Kókshetaý áýejaıy halyqaralyq reısterdi qaıta jańǵyrtpaq

Kókshetaý áýejaıy birqatar halyqaralyq reısterdi qaıta jandandyrady. Bul týraly О́ńirlik kommýnıkasııalar qyzmetine Aqmola oblystyq jolaýshylar tasymaly basqarmasy habarlap otyr, dep jazady Habar24. Mekemeniń málimetine súıensek, osy jyldyń mamyr aıynan bastap Máskeý (Domodedova) – Kókshetaý – Máskeý (Domodedova) baǵytyndaǵy áýe reısi qaıta qalypqa keltirilmekshi. Jolaýshylarǵa S7 Airlines áýe kompanııasy Airbus A319 ushaǵymen qyzmet kórsetedi. Bul baǵyttaǵy áýe kóligi Kókshetaýdan ár jeksenbi saıyn ushyrylady. Al bılet quny 48-50 myń teńge shamasynda bolmaq. Sonymen qatar áýejaı ujymy kókshetaýlyqtardyń basqa eldermen halyqaralyq qarym-qatynas ornatýy úshin qazir Aqtaý – Kókshetaý – Aqtaý jáne Almaty – Kókshetaý – Almaty baǵytyndaǵy reısterdi de júzege asyryp otyr. Budan bólek, aldaǵy naýryz aıynan bastap Shymkent qalasyna aparatyn reıs qaıta iske qosylady. Aqmolalyqtar ońtústik baǵytqa ár aptanyń juma jáne jeksenbi kúnderi qatynaı alady.