Tereń oılastyrylǵan qujat

Jýyrda elimizdiń Belarýs Respýblıkasyndaǵy elshiligi Mınsk qalasynda Qazaqstannyń dostary klýbynyń otyrysyn ótkizdi. Bıylǵy jyly birinshi ret ótken basqosýdyń kún tártibinde Elbasy N.Nazarbaevtyń bılik tarmaqtary arasynda ókilettikterdi qaıta bólý máseleleri jónindegi Úndeýi, sonymen qatar, Qazaqstan halqyna arnaǵan Joldaýy qaraldy. Basqosýdyń betasharynda elimiz­diń Belarýstegi Tótenshe jáne óki­letti elshisi Erǵalı Bólegenov Klýb múshe­lerine Qazaqstanda júrgizilip jat­qan saıası jáne konstıtýsııalyq refor­malar týraly baıandap berdi. Elshi refor­malardyń maqsaty men mazmuny elimizde demokratııalyq úderisterdi damytý men nyǵaıtýǵa baǵyttalǵanyna tereńirek toqtaldy. Sonymen qatar, E.Bólegenov El­basynyń Qazaqstan halqyna Jol­daýynda kórsetilgen, Qazaqstannyń bola­shaq damý jolyn aıqyndaıtyn bes basymdyq týraly da aıtty. Ol Qazaq­stannyń álemniń damyǵan 30 eliniń qataryna qosylýy úshin atqarylatyn jumystardyń barysyn sóz etti. Belarýs tarapynyń ókilderi qaza­q­­­­standyq elshiniń aıtqandaryna úlken qyzyǵýshylyq tanytty. Olar N.Nazarbaev jarııalaǵan eki qujatqa tarıhı mańyzǵa ıe degen baǵa berdi. Belarýs Ulttyq jıyny О́kilder pala­tasynyń vıse-prezıdenti B.Persh­týktiń paıymdaýyn­sha, Qazaqstan Prezıdentiniń Joldaýy «Tereń oı­las­tyrylǵan, tabysty júzege asy­rylýǵa tıis baǵdarlama» bolyp taby­lady. Onyń pikirinshe, Qazaqstan men Belarýs elderiniń strategııa­lyq baǵ­darlamalarynyń ózara uqsas tus­­tary az emes. Bul, ásirese, shaǵyn jáne orta bıznes, kólik jáne áleýmet­tik ınfr­a­­qurylym salalaryna qatys­ty. Osy oraıda, belarýstik áriptester álemniń damyǵan 50 eliniń qataryndaǵy Qazaqstannyń tájirıbesin joǵary baǵalaıtynyn aıta ketý kerek. Dúnıe júziniń damyǵan 30 eliniń sanatyna ený týraly maqsatymyz da aldaǵy ýaqytta iz júzine asady dep sanaıdy. Belarýs Ulttyq jıyny О́kilder palatasy Turaqty komıssııasynyń tóra­ǵasy V.Shepov óz sózinde qazaqstandyq ekonomıster men sarapshylardyń deń­geıi joǵary ekenin aıtty. Onyń pikirin­she, Eýrazııalyq ekonomıkalyq odaq aıasyndaǵy yntymaqtastyq barysynda Belarýs mamandarynyń qazaqstan­dyq áriptesterinen úırenetin tus­tary jeterlik. Ásirese, memlekettik basqarý júıesin reformalaýda Qazaqstan alda keledi. Belarýs memlekettik ýnıversıteti halyqaralyq qatynastar fakýltetiniń dekany, professor V.Shadýrskıı atap ótkendeı, qazirgi tańda eki elde de berik saıası júıe qalyptasqan, sol sebepti ony shet memleketterdiń aralasýynsyz óz kúshterimen reformalaýǵa jáne odan ári damýǵa kúsh-jigerleri erkin jetedi. – Bul oraıda, Belarýs Qazaqstannyń tájirıbesine súıene alady. Qazaqstannyń BUU Qaýipsizdik Keńesine músheligin nazarǵa alsaq, Astana men Mınsk halyq­aralyq qaýipsizdikti nyǵaıtý salasynda yntymaqtasa otyryp, jemisti jumys isteı alady, – dedi V.Shadýrskıı. Belarýs Respýblıkasy Jazýshy­lar odaǵynyń tóraǵasy N.Chergınes Qazaq­stannyń damýdyń jańa kezeńine aıaq basqanyna toqtaldy. Onyń pikirinshe, óz kúsh-jigerine senimdi memleket qana bılik ókilettikterin qaıta bólý syndy mańyzdy qadamǵa bara alady. Belarýs Ulttyq jıyny О́kilder palatasy Eńbek jáne áleýmettik saıa­sat jónindegi turaqty komıssııasy tór­aǵa­synyń orynbasary O.Levshýnov Qazaq­standa júrgizilip jatqan saıasattyń áleýmettik sıpatyna nazar aýdardy. Ol kóptegen áleýmettik baǵdarlamalar júzege asyrylyp, zeınetaqymen qamsyzdan­dyrý, halyqtyń túrli bólikterine kómek kórsetý syndy jumystar atqary­lyp jatqanyn tilge tıek etti. Belarýs mem­lekettik ýnıversıtetiniń professory L.Davydenko N.Nazarbaev Joldaýynda Qazaqstannyń ekonomıkalyq damýyndaǵy jańa ári basty draıver retinde agrarlyq sektordyń tańdalýy kóńilinen shyqqanyn jetkizdi. – Qazaqstanda Úshinshi jańǵyrý tabysty júzege asyrylady dep senemin. Sebebi, ol birinshi kezekte jas býynǵa arqa súıeıdi. Jalpy, Úshinshi jańǵyrýdyń kózdegen maqsatynyń ózi jastardyń múddesine baǵyttalǵan, – dedi professor. Otyrystyń sońynda oǵan qatysý­shylar Qazaqstannyń taǵdyrsheshti ózge­ris­ter qarsańynda turǵanyn aıtyp, onyń tabysty júzege asatynyna senim bildirdi. Eki el búgingi tańda ýaqyt talabynan týyndaǵan qıyndyqtardy eńserip, birlesken baǵdarlamalar men ekonomıkalyq jobalardy aldaǵy ýaqytta da júzege asyrýǵa nıetti. Daıyndaǵan Arnur ASQAR, «Egemen Qazaqstan»