Usynystar ázirlendi

Astana qalasyndaǵy EQYU baǵdarlamalar keńsesi men «Adam quqyǵy úshin hartııasy» qoǵamdyq qory qoldaýymen jáne Konstıtýsııalyq Keńes­tiń qatysýymen «Kons­tı­týsııalyq reforma – memle­kettik basqarýdyń qazirgi zaman­ǵa saı jáne tıimdi júıe­sin qurýdyń negizi» atty taqy­ryp­ta dóńgelek ústel otyrysy ótti. Oǵan memlekettik bılik tar­maq­tarynyń arasyndaǵy óki­let­tilikterdi úılestirý máse­le­leri boıynsha jumys toby­nyń mú­she­leri, Qazaqstan Respýb­lı­kasy Prezıdenti Ákimshili­gi­niń, Parlamenttiń, Úkimet­tiń, Kons­tıtýsııalyq Keńest­iń, Jo­ǵar­ǵy sottyń, Bas proký­rat­ýra­nyń, Ádi­let mınıstrliginiń qyz­met­ker­leri, sonymen qatar úkimettik emes quqyq qorǵaý uıymdarynyń ókil­deri men ǵalym-zańgerler qatysty. Dóńgelek ústel jumysyn «Adam quqyǵy úshin hartııasy» qoǵamdyq qorynyń atqarýshy dırektory J.Turmaǵambetova ashty. Budan keıin Prezıdent Ákimshiligi basshysy­nyń orynbasary T.Donaqov, Qazaq­stan Respýblıkasy Konstıtýsııa­lyq Keńesiniń tóraǵasy I.Rogov, Qazaqstan Respýblıkasynyń Bas prokýrory J.Asanov jáne Astanadaǵy EQYU baǵdarlamalary keńsesiniń basshysy Derd Sabo sóz sóıledi. Otyrysta «Qazaqstan Respýb­lı­ka­synyń Konstıtýsııa­syna tolyqtyrýlar men ózgerister engizý týraly» Qazaqstan Respýb­lıkasynyń zań jobasy: adam quqyǵy men bostandyǵyn qorǵaý teti­gin kúsheıtý; Parlament pen onyń palatalarynyń ról­derin arttyrý; Qazaqstan Respýb­lıkasy Prezıdentiniń keıbir ókilet­tikterin Úkimet pen Parla­ment arasynda úılestirý; sot júıe­si men prokýratýranyń kons­tı­tý­­sııalyq negizin anyqtaý; jer­gi­li­k­ti memlekettik basqarý jáne ózin ózi basqarý organdary ózara is-áreketteriniń quqyqtyq negiz­derin odan ári jetildirý; kons­tı­tý­sııalyq qurylysty qorǵaý tetik­terin ulǵaıtý sııaqty másele­lerge qatysty talqylaý boldy. Osyǵan oraı Parlament Máji­lisiniń zań shyǵarý jáne sot-quqyqtyq reformasy boıyn­sha komıtetiniń tóraǵasy N.Ábdi­rovtiń, Ádilet mınıstriniń orynbasary Á.Ázimovtiń, sonymen qatar úkimettik emes uıymdar ókil­­deriniń baıandamalary tyń­dal­­dy. Sharaǵa qatysýshylar dóńge­lek ústeldiń jumysyna jo­ǵary baǵa berip, elimizdiń Ne­gizgi Zańy­nyń basymdyǵyn qam­­ta­ma­syz etý, jahandyq syn-qater­ler sheńberinde ony ári qaraı jetil­dirý men elimizdegi demo­kra­tııa­lyq úderisterdiń damý deńgeıi memleket pen qoǵamnyń údemeli jáne turaqty ósip-órkendeýiniń basty sharty bolyp tabylatynyn atap ótti. Sonymen qatar, memlekettik organdardyń, quqyq qorǵaý birles­tikteriniń, ǵalym-sarapshylar­dyń jáne qoǵamdyq kópshiliktiń kons­tı­týsııalyq ınstıtýttar jónin­degi jumystary bılikti bólý qaǵıdalaryn, Negizgi zań­nyń ózgermeıtin tiregi – ýnıtar­ly­lyǵyn, respýblıkanyń aımaqtyq tu­tas­tyǵyn, ony basqarý túrleri men memle­kettiń táýelsizdigin saqtaı­tyn júıelerin eskere otyryp, kons­­tıtýsııalyq qaýipsizdikti qam­tama­syz etýdiń quqyqtyq tetik­­terin jetildirýge baǵyttalýy tıis­ti­gi aıtyldy. Dóńgelek ústel qory­tyn­­dysy boıynsha usynystar men óti­nishter ázirlendi. Aleksandr TASBOLATOV, «Egemen Qazaqstan»