Qostanaı aýdanynyń Sadovyı selosynda turatyn zeınetker Muhamedqalı Asqarov shańǵymen úsh kúndik saparǵa shyqty. Ol bul joly Qostanaı qalasynan Fedorov aýdanynyń ortalyǵyna barady, eki orta 80 shaqyrym jer. 70 jastaǵy ardager bul joldy úsh kúnde júrip ótýdi josparlady.
Qostanaıda bul kúnderi altyn kúrek soǵyp, jylymyq bolyp turǵanymen jel óte kúshti. Qarııa sonyń barlyǵyna shydaıtynyna senimdi. Ol 1971 jyldan shańǵymen aınalysady. Ol aýa raıynan da, joldyń alystyǵynan da qoryqpaıtynyn, densaýlyǵyna senimdi ekenin aıtty.
«О́zim Fedorov aýdanynda týyp-óstim, ol meniń kishi Otanym. Men júretin joldyń respýblıkalyq mańyzy bar, Qazaqstan men Reseıdi jalǵastyrady. Osy joly da eldi mekenderdegi mektepter dırektorlarymen kelistim, oqýshylarǵa sporttyń, deneshynyqtyrýdyń mańyzy jóninde áńgimeleıtin bolamyn» deıdi qarııa.
Eske sal ketsek, Muhametqalı Asqarov jańa jel merekesinde 105 shaqyrym bolatyn Áýlıekól aýdanyna úsh kúnde shańǵymenjetken bolatyn. Ol týraly «Egemen» oqyrmandaryn habardar etken bolatynbyz. Qarııanyń bul jolǵy sapary da jeńil bolmaıdy. Ol kúnine shańǵymen 30 shaqyrymdy alyp otyrýdy josparlapty.
Shańǵyshy ózimen birge qosymsha jyly kıim, shujyq, nan, termosqa lımon qosylǵan ystyq shaı salyp alypty. Sonymen qatar bir artyq shańǵy da alǵan. Ardager shańǵyshy qostanaıdan júrip ketti, aldynan soqqan jeldi tek onyń jigeri ǵana jeńetin bolady.
Názıra Járimbetova,
«Egemen Qazaqstan»
Sýret ng.kz saıtynan alyndy
