Elimizdiń keı jerlerinde tuman túsip, qar jaýady

Elimizdiń keı óńirlerinde atmosferalyq aǵymdardyń ótýine baılanysty qar jaýady, al ońtústik óńirler jaýyn-shashynsyz bolady. Keı jerlerde tuman túsip, kóktaıǵaq bolady, qar borap, jel kúsheıýi yqtımal. Bul týraly «Qazgıdromet» RMK habarlady. Aqmola oblystarynyń keı jerlerinde tuman túsip, jaıaý burqasyn júredi, jel jyldamdyǵy 15-20 m/s deıin kúsheıedi, túnde ekpini 25 m/s jetedi. Almaty oblysynda túnde tuman kútiledi, Jalańashkól aýdanynda jel 18-23 m/s jyldamdyqpen soǵady. Jambyl oblysynyń keı tustarynda tuman kútiledi, jel 15-20 m/s deıin kúsheıedi. Ońtústik Qazaqstan, Mańǵystaý, Atyraý oblystarynyń jekelegen aımaqtarynda tuman túsip, Atyraý oblysynyń keı jerlerinde kóktaıǵaq bolady. Batys Qazaqstan oblysynyń keı jerlerinde jeldiń kúshi 15-20 m/s deıin jetedi, kúndiz tuman, kóktaıǵaq bolýy múmkin. Aqtóbe oblysynyń keı jerlerinde jeldiń jyldamdyǵy 18 m/s jetip, azdap boran soǵady. Qostanaı oblysynyń keı jerlerinde burqasyn, tuman, kóktaıǵaq bolady, jel 17-22 m/s jyldamdyqpen soǵady. Soltústik Qazaqstan oblysynda azdap boran soǵyp, jel jyldamdyǵy 15-20 m/s deıin kúsheıedi, ekpini 23-28 m/s deıin jetedi. Túnde Pavlodar oblysynynyń keı jerlerinde qar borap, jeldiń kúshi 15-20 m/s deıin artady. Qaraǵandy oblysynyń keı jerlerinde tuman,túnde azdap burqasyn bolady, jeldiń ekpini 15-20 m/s kúsheıedi. Shyǵys Qazaqstan oblysynyń keı jerlerinde burqasyn, kóktaıǵaq, jel ekpini 15-20 m/s deıin kúsheıedi.