Aýa raıyna baılanysty poıyzdarǵa qosymsha 40 vagon tirkeldi

Qolaısyz aýa raıy jaǵdaıyna jáne birqatar avtojoldardyń jabylýyna baılanysty, qosymsha vagondar tirkeý jumystary jalǵasýda, dep habarlaıdy «Jolaýshylar tasymaly» AQ baspasóz qyzmeti. Buǵan deıin «Qazaqstan temir joly» UK» AQ basshysy Qanat Alpysbaev qysqy ýaqytta temir jol kóliginiń úzdiksiz jumysymen qamtamasyz etý jáne «Qazaqavtojolmen», QR IIM TJ Komıtetimen birlesip, kúrdeli meteojaǵdaıda jolaýshylar tasymalyn uıymdastyrý máseleleri boıynsha arnaıy jınalys ótkizdi. Jınalysta qosymsha tirkemelerdi júzege asyrý úshin vagondardyń tehnologııalyq rezervterin barynsha qoldaný tapsyryldy. Sondaı-aq, tótenshe jaǵdaıda uzyn quramdy poıyz jasaqtaýǵa, jolaýshylardy barynsha tasymaldaý úshin qozǵalys qaýipsizdigine nuqsan keltirmeıtin ózge sharalardy jasaýǵa ruqsat berildi. Osylaısha, jaqyn kúnderi poıyzdarǵa qosymsha 40 vagon tirkeldi, bul 2,5 myńnan astam jolaýshyny tasymaldaýǵa múmkindik beredi. Kúrdeli qysqy kezeńde temir jolshylar kúsheıtilgen rejımde jumys istep jatyr.