Álemdegi kólik keptelisi kóp bolatyn qalalar anyqtaldy

GPS TomTom kompanııasy álem boıynsha keshki ýaqyttarda eń uzaq keptelis bolatyn qalalardyń reıtıngin jarııalady, dep jazady CNN. Oǵan 48 memleket boıynsha 390 qala qatysqan.  Atalǵan reıtıngti jasaý úshin GPS TomTom óndirýshisi osy qalalardyń barlyǵyndaǵy jol trafıgin baqylaýǵa alǵan. 2017 jyl reıtıngi boıynsha keshki ýaqytta eń kóp keptelis bolatyn qalalar tizimi:

1. Bangkok, Taıland;
2. Mehıko, Meksıka;
3. Býharest, Rýmynııa;
4. Djakarta, Indonezııa;
5. Máskeý, Reseı;
6. Chýnsın, Qytaı;
7. Ystambul, Túrkııa;
8. Sankt-Peterbýrg, Reseı;
9. Chjýhaı, Qytaı;
10. Santıago, Chılı;
11. Gýanchjoý, Qytaı;
12. Shıszıachjýan, Qytaı;
13. Shenchjen, Qytaı;
14. Los-Andjeles, AQSh;
15. Beıjiń, Qytaı.

TomTom trafıginiń bas sarapshysy Nık Konnyń aıtýynsha, jol keptelisine áser etken faktorlardyń biri - qalalardyń ekonomıkalyq ósimi. Sebebi bul jaǵdaıda halyq kóbinese qala mańyndaǵy aýyldar men eldi mekenderge kóship, kólikpen qatynaıtyn bolǵan. Mehıko sekildi keıbir qalalarda metro halyq kóp qonystanǵan jerlerge barmaıtyny da jol keptelisine sebep bolypty. Atalǵan reıtıngte Bangkok qalasy eki jyl qatarynan kósh bastap tur. Al Ystanbul qalasy tizimde jyldan jylǵa tómenge syrǵyp keledi. Onyń sebebin kompanııanyń bas sarapshysy qala bıliginiń  joldaǵy jaǵdaı týraly júrgizýshilerge  aqparat berý múmkindikterin qolǵa alǵanymen túsindiripti.