Brıfıng Syrtqy ister mınıstrliginiń bastamasymen Komıssııa tóraǵasy jáne Konstıtýsııalyq Sot Tóraǵasy Elvıra Azımovanyń, Komıssııa músheleriniń, Ádilet mınıstri Erlan Sársembaevtyń, Konstıtýsııalyq Sot Tóraǵasynyń orynbasary Baqyt Nurmuhanovtyń, Adam quqyqtary jónindegi ýákil Artýr Lastaevtyń jáne Respýblıkalyq advokattar palatasynyń tóraǵasy Mádı Myrzaǵaraevtyń qatysýymen uıymdastyryldy.
Prezıdent jańa Konstıtýsııa jobasy boıynsha respýblıkalyq referendým ótkizý týraly Jarlyqqa qol qoıǵan bolatyn. Osylaısha, Ata zańymyzdyń jobasyn daıyndaý úshin 2026 jylǵy 21 qańtarda qurylǵan Konstıtýsııalyq komıssııanyń, sondaı-aq 2025 jylǵy qazanda qurylǵan parlamenttik reforma jónindegi jumys tobynyń jumysy aıaqtaldy.
2025 jyldyń qazanynan 2026 jyldyń qańtaryna deıin jumys istegen depýtattyq korpýstyń, partııalardyń jáne sarapshylar qaýymdastyǵynyń 33 ókili quramyndaǵy parlamenttik reforma jónindegi jumys toby barlyq kelip túsken usynystardy ártúrli salalardyń 130 ókilinen quralǵan Konstıtýsııalyq reforma jónindegi komıssııaǵa tapsyrdy.
Komıssııa jumysy barysynda tikeleı onlaın-translıasııa formatynda 12 otyrys ótkizildi, olar jalpy sany shamamen 1 mıllıonǵa jýyq qaralym jınady. Otyrystardyń arasynda taqyryptyq jumys toptary jumys istep, Komıssııa músheleriniń qatysýymen jarııa talqylaýlar men kezdesýler ótti. Komıssııa Konstıtýsııa jobasyn halyq nazaryna usyný úshin eki ret jarııalady. Ekinshi redaksııa azamattardan kelip túsken usynystardy eskere otyryp, pysyqtalǵan joba boldy. 13 aqpandaǵy jaǵdaı boıynsha Komıssııaǵa azamattardan shamamen 12 myń ótinish kelip tústi, olardyń edáýir bóligi mátindi pysyqtaý barysynda eskerildi.
Jalpyulttyq koalısııasynyń Astana qalalyq fılıaly quryldy: 1 000 is-shara ótkiziledi
Brıfıng barysynda atap ótilgendeı, jańa Konstıtýsııanyń jobasy adamdy, onyń ómirin, quqyqtary men bostandyqtaryn basty qundylyq retinde aıqyndaıdy. Menshik quqyǵyn, turǵyn úıge qol suǵylmaýshylyqty, jeke ómir men derbes derekterdi qorǵaý kepildikteri kúsheıtildi, azamattardyń sıfrlyq ortadaǵy quqyqtary bekitildi. Memlekettik organdar men laýazymdy tulǵalardyń zańsyz áreketterinen keltirilgen zııan úshin memlekettiń konstıtýsııalyq jaýapkershiligi engizildi. Ratıfıkasııalanǵan barlyq halyqaralyq sharttar men qabyldanǵan zańdardy mindetti túrde jarııalaý talaby belgilendi. Endi adam quqyqtary men bostandyqtary tek zańdardyń ǵana emes, sonymen qatar Qazaqstannyń qoldanystaǵy quqyǵynyń quramdas bóligi bolyp tabylatyn ózge de normatıvtik quqyqtyq aktiler men halyqaralyq mindettemelerdiń máni men mazmunyn aıqyndaıdy.
«Konstıtýsııa jobasyndaǵy Qazaqstan Respýblıkasynyń Egemendigi, Táýelsizdigi, ýnıtarlyǵy, aýmaqtyq tutastyǵy men basqarý nysany myzǵymas qundylyqtar bolyp qalady. Konstıtýsııaǵa ózgerister tek jalpyhalyqtyq referendýmnyń nátıjeleri boıynsha engiziletini tikeleı kózdelgen. Mundaı tásil Egemendiktiń ıesi jáne memlekettik bıliktiń jalǵyz kózi Qazaqstan halqy ekendigi týraly konstıtýsııalyq erejeni kúsheıtedi. 2026 jylǵy 15 naýryzda ótetin respýblıkalyq referendým qazaqstandyqtardyń elimizdiń odan ári damý jolyn aıqyndaıtyn jaýapty tańdaý kúni bolmaq», dedi brıfıng barysynda Elvıra Azımova.
Ǵylymı qaýymdastyq «Halyqtyq Konstıtýsııa úshin» koalısııasyn qoldady
Konstıtýsııa bir palataly Quryltaıǵa kóshýdi kózdeıtin jáne sonymen birge Quryltaıda zań shyǵarý bastamasy quqyǵy berilgen azamattardyń ókildi organy retinde Halyq Keńesi úshin quqyqtyq negizdi bekitetin jarııa bıliktiń teńgerimdi jáne esep beretin modelin qalyptastyrady. Onyń qalyptasýy men qyzmetiniń tártibi jeke Konstıtýsııalyq zańmen aıqyndalatyn bolady.
Brıfıng barysynda Konstıtýsııa jobasynyń respýblıkanyń syrtqy saıasatynyń quqyqtyq aspektilerine qatysty erejeleri túsindirildi.
«Konstıtýsııalyq ınnovasııalar memleketimizdiń halyqaralyq quqyqtyń irgeli qaǵıdattaryna jáne elimizdiń damýynyń jańa kezeńine kóshýdiń qazirgi jaǵdaıyndaǵy ulttyq basymdyqtarǵa degen umtylysyn jan-jaqty kórsetedi. Qazaqstan Respýblıkasynyń halyqaralyq yntymaqtastyq modeliniń negizinde BUU Jarǵysynyń negizgi qaǵıdattary jáne barlyq qabyldanǵan halyqaralyq mindettemelerdi adal oryndaý jatyr», dedi Syrtqy ister mınıstriniń orynbasary Arman Isetov.
Halyqaralyq sharttar elimizdiń quqyqtyq júıesiniń quramdas bóligi bolyp qala beretini jáne mindetti túrde oryndalýǵa jatatyny atap ótildi.
Kezdesý qorytyndysy boıynsha dıplomatııalyq korpýs pen halyqaralyq uıymdardyń ókilderi usynylǵan aqparattyń ashyq ári mazmundy sıpatta bolǵanyn atap ótti.
