Semeı qalasyndaǵy Nazarbaev Zııatkerlik mektebiniń 11 synyp oqýshysy Ádil Ordaev robot tehnıkasy úıirmesine tórt jyldan beri qatysyp keledi. О́tken aptada «Nazarbaev Zııatkerlik mektepteri» derbes bilim berý uıymynyń uıymdastyrýymen elordada ótken «Uly Dala muragerleri» atty keshke arnaıy kelgen semeılik oqýshy ózi qurastyrǵan bıshi robottarymen oqýshylar shyǵarmashylyǵy kórmesiniń kórigin qyzdyrdy. Iá, Ádildiń robottary myń buralǵan bıimen jınalǵan jurtshylyqty tań-tamasha qaldyryp jatty. Bul robottar aldymen robot bıin, odan keıin ońtústikkoreıalyq áıgili pop juldyzynyń «Gangnam staıl» bıin bıleıdi. Sodan soń qazaqtyń «Qarajorǵasyn» náshine keltirip turyp bılegende eriksiz ezý tartyp, balasha máz bolyp qalasyz.
– Bul baǵdarlamamen jumys istegenime kóp ýaqyt óte qoıǵan joq. Robotty qurastyrý barysynda baǵdarlamalaý úlgisi eki negizge súıenedi. Iаǵnı, 3D modeldeý men Sı baǵdarlamalaý tiline uqsas jasaldy. Robot «Dynamixel» atty serverli motorlaryna qosylǵan. Bul motorlar AX-18A qýatymen qamtamasyz etedi. Robot sol arqyly qozǵalady, – dedi Á. Ordaev.
Atalǵan robot balalardyń kishkentaı bólshektermen jumys isteý daǵdysyn jaqsartýǵa jáne «Sı» tiline uqsas jumys istegendikten baǵdarlamalaýdy jedel úırenýge septesedi.
– Biz robottarǵa bı bılete alǵandyqtan, oǵan kez kelgen maqsattaǵy baǵdarlamany engizýge bolady. О́ıtkeni, bı eń qıyn qozǵalys túri. Bılegende deneniń ár bólshegi qozǵalady. Bizdiń robottarymyz negizinen «Qarajorǵany» kóbirek bıleıdi. Osy arqyly biz ulttyq dástúrimizdi nasıhattaımyz, – deıdi semeılik oqýshy.
Dýman ANASh, «Egemen Qazaqstan»
