Berdibek Saparbaev ótken jyldy qorytyndylady

Eseptik kezdesýge QR Prezıdenti Ákimshiliginiń memlekettik ınspektory Shalqar Baıbekov, «Báıterek» ulttyq basqarý holdıngi» AQ tóraǵasy Erbolat Dosaev, «Nur Otan» partııasynyń hatshysy Zaýytbek Turysbekov qatysty. Aqtóbe oblysynyń 2016 jylǵy áleýmettik-ekonomıkalyq damýyn qorytyndylaǵan Berdibek Saparbaev memleket basshysy Nursultan Nazarbaevtyń jáne QR Úkimetiniń qoldaýymen oblystyń áleýmettik-ekonomıkalyq kórsetkishterin tómendetpeý, jumyssyzdyq sany ósýine jol bermeý úshin jergilikti atqarýshy organdar tarapynan barlyq sharalar qabyldanǵanyn atap ótti. Jalpy alǵanda oblystyń barlyq áleýmettik-ekonomıkalyq kórsetkishteri boıynsha ósimniń oń ózgerisi baıqalady, dep habarlady Aqtóbe oblysy ákiminiń baspasóz qyzmeti. О́ńirdegi ekonomıka ósiminiń deńgeıi 102%-ǵa deıin jetedi dep kútilýde. 16 myń jańa jumys orny qurylyp, jumyssyzdyq deńgeıi 4,8%-dan kóterilgen joq. О́ńdeý ónerkásibiniń naqty kólem ındeksiniń ósimi -115,8%, aýyl sharýashylyq óniminiń kólemi - 108,7 mlrd teńgeni qurap, tartylǵan ınvestısııa– 101,3%, bólshek saýda aınalym kólemi – 101,2%, al ShOB-tiń áreket etýshi sýbektileri 101,5% artty. О́ńirde ınvestısııa kólemi 28 mlrd teńge bolatyn MJS 38 jobasyn júzege asyrý boıynsha jumystar belsendi atqarylýda, atap aıtqanda: túrik ınvestorlarymen birlese salynatyn quny 5,5 mlrd. teńge quraıtyn qalalyq jedel-járdem beketi, 2,9 mlrd. teńgege oftalmologııalyq aýrýhana, 616 mln. teńgege stomatologııalyq emhana, 3,5 mlrd. teńgege Muz saraıy salynady. 2017 jyly 23 mekteptiń, 65 bala baqshanyń qurylysy bastalady dep kútilýde. Olardyń 54-i bıýdjetten tys qarajat esebinen salynbaq. Medısınalyq klasteri, óńiraralyq kooperasııa, «Aýyldy jumyspen qamtý», «Bastaý» jáne t.b. boıynsha birqatar jobalar oblysta tabysty júzege asyrylýda. Berdibek Saparbaev oblystyń 2016 jyly 2,5 mlrd. AQSh dollarynyń ónimin syrtqa shyǵarǵanyn jetkizdi. 2017 jyly eksportty 12%-ǵa ósirý josparlanýda. Oblys ózin-ózi jeke azyq-túlikpen 60% qamtyp otyr, 1310 jeke qojalyq birigip, 107 aýylsharýashylyq kooperatıvi quryldy. Elbasy tapsyrmasyna sáıkes, óńir basshylyǵy Eýropa qaıta qurylymdaý jáne damý banki jáne Islam damý banki — halyqaralyq qarjy ınstıtýttarymen 19,5 myń gektar sýarmaly jerlerdi jáne 12,7 mlrd. teńgege 25 myń gektar kóldetip sýaratyn jerlerdi qalpyna keltirý boıynsha jumystar júrgizilýde. О́ńiraralyq kooperasııa asynda 4,3 mlrd. teńgege 21 myń tonna ónim ákelindi (2017 jyly 5,4 mlrd. teńgege josparlanýda), sonymen qatar, oblystan 9,4 mlrd. teńgeniń 45 myń tonna ónimi jetkizildi. ShOB sýbektileri 650 mlrd. teńgeniń ónimin óndirdi (2017 jyly 750 mlrd. teńgege josparlanýda). Kásipkerlikti qoldaýdyń barlyq baǵdarlamalary aıasynda 39,1 mlrd. teńge kómek kórsetildi. 2017 jyly bul soma 43 mlrd. teńgege deıin artady dep kútilýde. 2016 jyly Jeke turǵyn úı qurylysy úshin 7974 jer telimi berildi. Bul sońǵy jeti jylmen salystyrǵanda artqany baıqalady (2009-2015 jj — 6531 jer telimi). 2017 jyly 14 886 jer telimin bólý josparlanýda. Jeke turǵyn úı qurylysyna beriletin jerlerdi, aýylsharýashylyq jáne kommersııalyq jerlerdi baqylaý úshin respýblıka boıynsha alǵash ret turǵyn úı qurylysynyń elektrondyq qor málimetteri jasaldy. Barlyq qarjy kózderiniń esebinen 616 myń sharshy metr baspana paıdalanýǵa berildi. Iаǵnı, 2015 jylmen salystyrǵanda 15% artyq. Aǵymdaǵy jyly 650 myń sharshy metr baspanany paıdalanýǵa berý josparlanýda. «Nurly jer» baǵdarlamasynyń pılottyq jobasy aıasynda 2017-2018 jyldary «Nur Aqtóbe» turǵyn úı alabynda Úı qurylysy kombınaty tehnologııasy boıynsha 500 jyldam turǵyzylatyn az qabatty turǵyn úılerdi (83 myń sharshy metr) salý josparda bar. Turǵyndardyń kógildir otynmen qamtylýy 86,7%, oblysty ári qaraı gazdandyrý úshin «QazTransGazAımaq» AQ 7 mlrd. astam teńgege memorandýmǵa qol qoıý boıynsha aldyn-ala kelisim jasaldy. Turǵyndardyń aýyz sýmen qamtylýy 90,6%, 2017 jyly bul kórsetkish 92,2% quraıtyn bolady (194 eldi meken), 5,7 mlrd. teńgege 30 jobany júzege asyrý josparlanǵan. 2017 jyly 28 densaýlyq saqtaý nysandarynyń qurylysy qarastyrylǵan (20 aýdandarda jáne 8 oblys ortalyǵynda), 2018 jyly oblystyń barlyq eldi mekenderi medısınalyq mekemelermen qamtylatyn bolady. 2016 jyly jumyspen qamtýdyń keshendi josparymen 29,5 myń adam jumysqa ornalastyryldy. 2017 jyly taǵy 31 myń adamdy jumyspen qamtý josparda bar. «Jumyspen qamtýdyń jol kartasy 2020» baǵdarlamasy aıasynda 2016 jyly 9,3 mlrd. teńge bólinip, 13,4 myń adam jumysqa ornalasty. Bul kórsetkish 2015 jylmen salystyrǵanda 5 ese artyq (2015 jyly 1,6 mlrd. teńge bólinip, 2,5 myń adam eńbekpen qamtylǵan bolatyn). Qoldanylǵan sharalardyń nátıjesinde jumyssyzdyq deńgeıin 4,8% (QR — 4,9%), jastar arasyndaǵy jumyssyzdyq deńgeıin 2,4% asyrmaýǵa múmkindik boldy. 2017 jyly 4,9 mlrd. teńge bólinip, nátıjeli jumyspen jappaı kásipkerlik baǵdarlamasy bastaý almaq, osyǵan oraı 6663 adamdy qamtyp, 2000 astam adamdy oqytý josparlanýda. «Halyqtyń qaýipsizdigin qamtamasyz etý» jobasy aıasynda oblys ortalyǵy men 12 aýdan qamtyldy. 3900-den astam is-sharalar ótkizilip, 215 myń adam qamtyldy, 11,2 myń tulǵaǵa kómek kórsetildi. Quqyq qorǵaý, arnaıy, qadaǵalaý organdarynyń, sot júıesiniń basshylarymen birge oblystyń barlyq aýdandaryna is saparlar uıymdastyrylyp, eldi mekenderde 9 myńnan astam halyqpen kezdesýler ótti. QR Táýelsizdiginiń 25 jyldyǵy aıasynda 14 myń adamǵa 200 mln.teńgeden astam qarjyǵa qaıyrymdylyq kómek kórsetildi (kómir, dári, jyly kıim-keshekter satyp alyp berý, kógildir otyn tartý, turǵyn úılerdi jóndeý jáne t.b). Paryz qorynyń esebinen 193 muqtaj otbasyǵa 23 mln. teńge kóleminde qajetti kómek kórsetildi. Oblys ákiminiń esebin talqylaǵannan keıin, Berdibek Saparbaev turǵyndardan túsken saýaldarǵa jaýap berdi. О́ńir basshysy sonymen qatar, ózine onlaın rejıminde qoıylǵan aýdan turǵyndarynyń saýaldaryna jaýap qaıtardy. Sharany aıaqtaǵan óńir basshysy eseptik kezdesýdi daıyndaý jáne ótkizý kezinde túsken barlyq suraqtar qaralyp, aryz ıelerine jaýaptar qaıtarylatynyn jetkizdi. Eń ózekti, uzaq merzimdi suraqtar boıynsha is-sharalar jospary qabyldanyp, ony iske asyrý qatań baqylaý alynady.