Búgin QR Premer-Mınıstriniń birinshi ornbasary Asqar Mamın bastaǵan jumysshy top issaparmen Ońtústik Qazaqstan oblysyna keldi.
Delegasııa quramynda QR Qorǵanys jáne aeroǵarysh ónerkásibi mınıstri B.Atamqulov, QR Qarjy mınıstri B.Sultanov, QR Syrtqy ister mınıstriniń orynbasary Ǵ.Qoıshybaev, QR Ulttyq ekonomıka vıse-mınıstri T.Jaqsylyqov, QR Investısııalar jáne damý vıse-mınıstri R.Sklıar, QR Qarjy mınıstrliginiń memlekettik kirister komıteti tóraǵasynyń orynbasary G.Amrın bar.
Astanadan kelgen jumysshy topqa OQO əkimi Janseıit Túımebaev shekara boıyndaǵy 4 keden beketin kórsetti. Asqar Mamın bastaǵan top kazaq-ózbek shekarasyndaǵy «B.Qonysbaev», «Jibek-Joly», «Qaplanbek» keden beketi qyzmetimen tanysty.
Sapar barysynda delegasııa músheleri «B.Qonysbaev» atyndaǵy keden beketin kórshiles О́zbekstan aýmaǵyna deıin keńeıtý máselesin talqylady. Sonymen qatar, olar júkterdi óńdeý ýaqyty men azamattardyń shekaradan ótý prosesin ońtaılandyrýdy jáne О́zbekstan Respýblıkasymen ózara tıimdi saýda – ekonomıkalyq taýar aınalymyn arttyrý múmkindigin qarastyrý jaıyn sóz etti.
О́zbekstanmen aradaǵy negizgi keden beketteriniń biri bolyp esepteletin «B.Qonysbaev» beketi avtokólikterdi ótkizýge arnalǵan. Atalǵan keden beketi arqyly Eýrazııalyq ekonomıkalyq odaq elderiniń, alys shetel (Iran, Túrkııa) memleketteriniń taýarlary men kólik quraldary ótedi. Máselen, ótken 2016 jyly osy beket arqyly 42 myń júk kóligi jáne 11 myń jeńil avtokólik quraldary ótken.
Issapar barasynda delegasııa quramy 2009 jyly qaıta jóndeýden ótý kezinde salynǵan «Jibek Joly» beketindegi jolaýshylar termınalyna bardy. Zamanaýı termınaldyń paıdalanýǵa berilýi ondaǵy jeke tulǵalardy táýliktik ótkizý múmkindigin 14 myń adamǵa deıin jetkizýge múmkindik berdi.
Sondaı-aq, 2006 jyly ótkizý qabiletin arttyrý maqsatynda rekonstrýksııalanǵan «Qaplanbek» keden beketi qyzmetiniń aımaǵynda aýmaǵyn keńeıtýdi talap etetin Keles ózeni arqyly ótetin kópir qaraldy. Búgingi tańda, osy bekettiń 28 myńnan astam júk jáne jeńil kólik quraldaryn, sonymen qatar, shamamen 2 myńǵa jýyq jeke tulǵalardy ótkizýge qabileti bar.
Aıta keteıik, Ońtústik Qazaqstan oblysyndaǵy Qazaqstan men О́zbekstan Respýblıkasy arasyndaǵy shekara jelisiniń uzyndyǵy 958,76 shaqyrymdy quraıdy. Shekara mańyndaǵy keden beketteriniń ınfraqurylymy bar jáne barlyq zamanaýı elektrondy kedendik baqylaý qurylǵylarymen jabdyqtalǵan. Bul barynsha qysqa merzimde EAEO keden shekarasy arqyly ótetin taýarlar men kólik quraldaryn kedendik baqylaýǵa jáne rásimdeýge múmkindik beredi. Joǵaryda atalǵan 3 keden beketinen ótken 2016 jyly 6 mıllıonnan astam jeke tulǵa men 84 myńǵa jýyq júk jáne jeńil kólik ótken.
