Mańyzdy sıpatqa ıe júıeli bastama

Álem elderiniń basym kópshiliginde memleket basshysy ulttyq zańnama­nyń negizinde memlekettik qyzmettiń túrli salalarynda keń aýqymdy quqyqqa jáne ókilettikterge ıe bolady. Buǵan qosa, táji­rıbe kórsetkendeı, bir elde memleket bas­shysynyń ókilettigin shynaıy túrde, al keıde formaldi túrde shekteý úderisi kezdesip jatady. Mundaı kezde onyń ornyna úkimet nemese úkimet basshysy ıe bolady. Al keıbir elderde, kerisinshe, memleket basshysy quzyretiniń barynsha keńeıý úrdisi baıqalady. Mun­daı úrdis tipti, konstıtýsııaǵa jáne bas­­qa da zańnama aktilerine qarama-qaı­­shylyq týǵyzatyndaı dáre­je­de shekten shyǵyp ketýi de múmkin. Osy turǵydan kelgen­de, bılik tar­maqtary arasynda ókilettikterdi ornymen bólý jáne ony ońtaıly túrde qalyptastyrýǵa qadam basý – kez kelgen órkenıetti eldiń odan ári tıimdi damýy úshin mańyzdy másele. Bılik tarmaqtary arasynda quzy­retterdi utym­dy jáne úılesimdi bólý kezinde kez­desetin túıtkildi máseleler memlekettiń damýy men demokratııanyń qalyptasýyna áse­rin tıgizbeı qoımasy anyq. Mine, osyndaı jaıt­tardy eskere kele, Qazaqstan bul máseleni der ke­zinde qolǵa aldy. Búginde mańyzdy sıpat­qa ıe bolyp otyrǵan júıeli reformalar jú­zege asyrylyp, qazirdiń ózinde óziniń oń nátıjelerin kórsete bastady. Prezıdent Nursultan Nazarbaevtyń jetek­shi róliniń ar­qa­syn­da Qazaqstan álem­dik qoǵamdastyqpen bel­sen­di túrde ynty­maqtastyq ornatyp keledi. Al endi memleket Prezıdent, Par­la­ment jáne Úkimet arasynda ókilettik­terdi qaıta bólý máselesin kún tártibine qoıyp otyr. Shynynda da, Parlament jáne Úkimet ókilettikteriniń keńeıýi mem­lekettik bas­qarý júıesiniń tıimdi ári utymdy bolýyna yqpal etedi jáne elde júzege asyrylyp kele jatqan refor­malar aıasyndaǵy olardyń rólin kúsheıte túsedi. Sonymen qatar, basqa elderdegi sekil­di Qazaqstandaǵy Parlament jáne Úki­met­tiń ókilettikterin keńeıtýdegi basty máse­le – olardyń saıası jaýapkershilikterin arttyrýǵa yqpal etý. Sebebi, laýazym­dy tulǵalardyń óz mindetterin ádil ári qaltqysyz atqara bilýiniń nátıjesin­de ózekti memlekettik máselelerdi sheshýge jáne olardy júzege asyrýǵa qol jetkizýge bolady. Oksana PARHOMENKO-KÝSEVIL, Memlekettik basqarý akademııasynyń professory, «Memlekettik basqarýdyń ǵylym doktorlary jalpyýkraınalyq assambleıasy» qoǵamdyq uıymynyń birinshi vıse-prezıdenti (Ýkraına)