Azıada-2017: Qazaqstan hokkeıshileri Azıada oıyndarynyń chempıony atandy

Búgin Japonııanyń Sapporo qalasynda ótip jatqan VIII qysqy Azııa oıyndarynda hokkeıden Qazaqstan erler quramasy fınalda Japonııamen synǵa túsip bas júldeni jeńip aldy, dep habarlaıdy QazAqparat. «Sýkısamý Gımnazıým» muz aıdynynda ótken fınaldyq kezdesý asa tartysty ótti. Sharshy alań qojaıyndary qansha jerden alǵa umtylǵanymen jerlesterimizdiń qaqpasynan birde-bir sańylaý tabýǵa múmkindigi bolǵan joq. Osylaısha jerlesterimiz qarsylastarynyń qaqpasyna jaýapsyz 7 shaıba toǵytyp, Qazaqstan qorjynyna toǵyzynshy altyn medaldi saldy. Esterińizde bolsa, osydan alty jyl búryn Almaty jáne Astana qalalarynda ótken VII qysqy Azıada oıyndarynda Qazaqstan hokkeıshileri chempıon atanǵan bolatyn. Búgin de bas júldeni jeńip alyp, Azıada elderi arasynda teńdessiz myqty ekendikterin taǵy bir márte dáleldedi. Sonymen birge keshe keshe hokkeıshi qyzdarymyz Taıland quramasyn 8:0 esebimen oısyrata jeńip qola júldeni jeńip aldy.