AQSh-ta Klıntondy synǵa alǵan fılmge jyldyń nashar kınolentasy júldesi berildi

AQSh-ta Hılları Klıntondy synǵa alǵan fılm jyldyń nashar kınolentasy júldesi - «Altyn tańqýraıdy» aldy. Syılyqty uıymdastyrýshylar Tramp jeńisine eseńgirep qalǵandyqtan osyndaı qadamǵa bardy. Rejısser osylaı málim etti, dep habarlaıdy Qazaqparat dw.com saıtyna silteme jasap. «Hillary's America: The Secret History of the Democratic Party» («Hıllarıdiń Amerıkasy: Demokratııalyq partııanyń qupııa tarıhy»)  derekti fılmi kınematografııa salasyndaǵy eń kúmándi fılmder úshin beriletin «Altyn tańqýraı» shyńynan kórindi. Senbi kúni, 25 aqpanda «Hılları Amerıkasy» tórt basty nomınasııa boıynsha jeńiske jetti. Kınolenta 2016 jyldyń eń nashar fılmi retinde jáne nashar rejıssýra, nashar er adam róli jáne nashar áıel adam róli boıynsha syılyq aldy. Munda fılm rejısseri Dınesh D'Soýza basty er adam rólin somdaǵan edi. Tipti fılmde demokrattardyń ký-klýks-klanmen baılanysy bar degen boljam aıtylady. «Altyn tańqýraı» júldesin tabystaý jyl saıyn «Oskar» ıegerlerin anyqtaıtyn saltanatty sharanyń qarsańynda ótedi.