Bolashaqpen jalǵaıtyn kópir

Memleket basshysy Qa­zaqstan halqyna Joldaýy arqyly endi eli­mizdiń Úshinshi jańǵyrýy bastalǵanyn álem jurtshylyǵyna jarııa etti. Bul jańǵyrý «Qazaqstan-2050» Strategııasynyń maqsattaryna bastaıtyn senimdi kópir bolmaq. Elbasymyz osyǵan baılanysty bes negizgi basymdyqty atady. «Olar ekonomıkanyń álemdik ósiminiń orta deńgeıden joǵary qarqynyn qamtamasyz etýge jáne 30 ozyq eldiń qataryna qaraı turaqty túrde ilgerileýge laıyqtalǵan», dedi Prezıdent. Joldaýmen muqııat tanysyp shyqqan adam Úshinshi jańǵyrýdyń Qazaqstan halqy men el ekonomıkasynyń damýyna erekshe serpin beretinin birden baıqaıdy. Mysaly, turaqty ekonomıkalyq damý ishki jalpy ónimniń ósýin qamtamasyz etedi. О́z kezeginde ol elimizdi álemdegi damyǵan memleketter tobyna qosylýyn jaqyndata túsedi. Sóıtip, ekonomıkalyq ósimniń jańa modelin engizý arqyly eńbek ónimdiligi 2020 jylǵa qaraı 1,3 esege artady. Elbasymyz jańa eýrazııalyq logıs­tı­kalyq ınfraqurylymdy damytý mańyzdy basymdyqtardyń biri ekenine de toqtaldy. Álemdik saýda ortalyqtary boıynsha biryńǵaı logıstıkalyq jeliler qurý Qazaqstan aýmaǵy arqyly júk tasymalyn eselep arttyrady. Ja­qyn jyldary onyń jalpy kólemi kem degen­de 20 mıllıon tonnaǵa jetpek. Damyǵan memleketterde shaǵyn jáne orta kásipkerlik el ekonomıkasynyń tiregi sanalady. Bolashaqta bizdiń eli­mizde de shaǵyn jáne orta bıznestiń órkendeıtinine senimimiz mol. Memleket basshysy osy máselege baılanysty: «Bizdiń strategııalyq maqsattarymyzdyń biri – eldiń ishki jalpy ónimindegi shaǵyn jáne orta bıznestiń úlesi 2050 jylǵa qaraı kem degende 50 pa­ıyz bolýyn qamtamasyz etý», dedi. Prezıdentimiz shaǵyn jáne orta bıznesti damytýǵa bastapqy kezden-aq erekshe nazar aýdaryp keledi. Endi, mine, bul másele aldyńǵy kezekte qolǵa alynatyn isterdiń birine aınalatyn bolady. Sonyń naqty dáleli retinde budan bylaı Qazaqstan azamattary bıznesin júrgizý úshin aýylda da, qalada da 16 mıllıon teńgege deıin nesıe alýlaryna múmkindik jasalyp otyrǵandyǵyn atar edik. Muny barsha qazaqstandyq, onyń ishinde shaǵyn bıznespen aınalysqysy keletinder ózderine kórsetilgen shynaıy qoldaý dep qabyldaǵany anyq. Joldaýda tórtinshi basymdyq retin­de adamı kapıtal sapasyn jaqsartý máselesi atalǵan. Eń aldymen, bilim berý júıesiniń atqaratyn róli ózgerýi tıis. О́ıtkeni, búginde aldymyzǵa bilim berýdi ekonomıkalyq ósýdiń jańa modeliniń ortalyq býynyna aınaldyrý mindeti qoıylyp otyr. Aldaǵy ýaqytta oqytý baǵdarlamalary oqýshylardyń óz betimen izdený daǵdylaryn damytýǵa qaraı baǵyttalmaq. Ras, aǵylshyn tili – jańa tehnologııa, jańa ındýstrııa jáne jańa ekonomıka tili. Budan bizder de shet qala almaımyz. Onyń ústine, búginde aqparattardyń 90 paıyzy aǵylshyn tilinde jarııalanady eken. Jalpy, Úshinshi jańǵyrýdy eli­miz­di qazirgiden de bıik belesterdi ba­ǵyndyrýǵa bastaıtyn jol dep qabyl­daǵa­nymyz jón. Al oǵan jetý, ony b­aǵyn­dyrý barlyǵymyzdan judyryqtaı ju­mylyp eńbek etýdi qajet etedi. Káribaı QOJAǴUL, Uıǵyr aýdandyq máslıhatynyń depýtaty Almaty oblysy