Jańa tehnologııa jetistikke jeteleıdi

Úkimet úıinde ótken baspasóz más­lıhatynda Aqparat jáne kom­mýnı­kasııalar mınıstri Dáýren Abaev BAQ ókilderine «Qazaqstan­nyń Úshinshi jańǵyrýy: jahandyq báse­kege qabilettilik» atty Joldaýynda naqty­lanǵan mindetterdiń oryndalý barysyn baıandap, bıyl atqarylýy tıis jumystardyń jaı-kúıin sóz etti. Memleket basshysynyń Joldaýda aıqyndap bergen tapsyrmalaryn júzege asyrý maqsatynda mamyr aıyn­da mı­nıstrlik mamandary Úki­metke «Sıfrlyq Qazaqstan» baǵ­dar­­la­masynyń jobasyn engizedi dep josparlanǵany belgili boldy. BAQ ókilderiniń saýaldaryna jaýap berý barysynda vedomstvo basshysy D.Abaev osylaı dep málimdedi. «Prezıdentimiz el Úkimetine «Sıfr­­­lyq Qazaqstan» baǵdarlamasyn qa­byl­­daý­dy tapsyrǵanyn bilesizder. Osy ar­­qy­ly Qazaqstandaǵy sıfrlyq ın­dýs­t­rııa men IT salany damytý máseleleri bir­yńǵaı jol­ǵa qoıylýy tıis. Sol se­bep­ten de, biz búgingi kúni bul baǵyt­ta úl­­ken jumystar atqarý­damyz. Atap aıt­­qan­da, memlekettik deńgeıde oryn­dalýy kerek baǵdarlamanyń joba­syn Úki­­metke aldaǵy mamyr aıyn­da usy­n­ý­dy jos­parlap otyrmyz», – dedi mınıstr. Sonymen qatar, sala mamandary osy kún­deri 1300-ge jýyq eldi meken­de optıkalyq-talshyqty jelimen qam­tamasyz etý jobasyn qolǵa alǵan. Memlekettik-jekemenshik serik­testigi aıasynda 2020 jylǵa deıin júzege asyry­latyn bul joba, elimizdiń 2 mıllıonnan astam halqyna keń jolaqty ınternetti paıdalaný múmkindigin beredi dep kútilýde. Jıynda Qazaqstan boıynsha r­a­dıojıilik stan­salaryn ornatý jumy­­sy da sátti júrip jatqandyǵy aı­­ty­l­­dy. «Radıojıilik stansa­la­ryn salý belgili bir ýaqytty qajet etedi. Al jyl sońyna qaraı shama­men 200 radıojıi­lik stansany orna­typ úlgeremiz dep úmittene­miz. Mine, sol kezde uıaly baılanys pen mobıl­di ınternettiń sapasy álde­qaıda jaq­sara túsetin bolady. Bul joba negi­zinen jelilik taratý júıe­sin san­dyq tele-radıotaratýǵa kóshi­rý n­átı­jesinde bosaǵan jıilik­ter­di uıaly operatorǵa berý arqy­ly iske asy­r­yl­maq. Osylaısha, uıa­ly baı­la­nys operatorlary baıla­nys pen ınter­nettiń sapasyn artty­ra­dy dep josparlanýda», – dedi Dáýren Áskerbekuly. BAQ ókilderi tarapynan mı­nıstrge qoıylǵan suraqtyń biri – jaqyn kún­deri kórermenge qaıta jol tartatyn «El arna» tóńireginde órbidi. Qoǵam arasyndaǵy qyzý talqylanǵan ar­nanyń qaıta ashylýyna qatysty málimdemesinde mınıstr bylaı dedi. «Ataýynyń ózi eldiń kóńilinen shyqqan bul arnanyń qaıta ashylýy­nyń eki negizgi mindeti bar. Árıne, bul tanymdyq baǵyttaǵy arna bolǵan­dyqtan, onyń alǵashqysy – ártúrli taqyryptardaǵy qundylyqtardy dáripteıtin derekti fılmderdi kórer­men nazaryna usyný bolsa, ekin­shisi – halyqtyń kóńilinen shyǵyp, klas­sıkalyq dúnıelerge aınalǵan kór­kem týyndylarmen qalyń buqarany qaýysh­tyrý. Sonymen qatar, 1 naý­ryz­dan bastap elimizde «Discovery Showcase» HD telearnasy habar tarata bastaıdy jáne ol keıinirek qazaq tiline ótedi. Osy jerde erekshe atap ótkim keletini, osy iske qosyla­tyn qazaq tilindegi nusqasynyń ózi praım-taım sáttegi alty saǵatty quraı­tyn bolady», – dedi D.Abaev. Bıyl Astanada EKSPO-2017 halyq­­ara­lyq kórmesi ótetindigi bar­sha­­myzǵa belgili. Elbasy tapsyr­ma­syna oraı, aıtý­ly shara óz máre­­sine jetkennen keıin, kórme nysan­daryn­da halyqaralyq IT-star­tap­tar tehno­parkin qurý kózdelgen. Atal­­ǵan mınıstrlik osy joba­nyń júzege asy­rylýyna múddeli bolyp tabyla­dy. Sondaı-aq, bul vedomstvo memleket­tik organdarmen birlese otyryp, memlekettik qyzmetterdi meılinshe «Azamattarǵa arnal­ǵan úkimet» kor­porasııasyna berýdi maqsat etip otyr. Nátı­jesinde, jyl sońyna deıin Memlekettik korporasııa arqyly kórsetiletin qyzmettiń úlesin 85 paıyzǵa ulǵaıtý jospar­lanýda. Nurlybek DOSYBAI, «Egemen Qazaqstan»