Almaty taýar óndirýshileri aqysyz qyzmetti paıdalanady

Almatylyq taýar óndirýshi­lerge syrtqy naryqqa shyǵýdy jolǵa qoıý úshin aqysyz qyz­met kórsetý, sheteldik issapar­larynyń shyǵyndaryn óteý, eksportty ilgeriletý máseleleri boıynsha oqytý usynylyp otyr. Memlekettiń mundaı qolda­ýyna ıe bolý úshin óndirýshi qazaqstandyq qamtýdyń daıyn ónimderin shyǵarýy tıis. Bul týraly Almaty qalasy men Almaty oblysynyń eksportqa baǵyttalǵan kásiporyndarymen ulttyq agenttik ótkizgen keńes barysynda «KAZNEX INVEST» UK» AQ basqarýshy dırektory Asqar Arynov málimdedi. Onyń aıtýynsha, óńir ónerkásibiniń eń muqtaj salalary burynǵysha tamaq, hımııa jáne mashına jasaý ónerkásipteri bolyp qala bermek. «Almaty Qazaqstandaǵy eks­­­portqa baǵyttalǵan kompa­nııalardyń sany jaǵynan kósh­­basshy bolyp tabylady. Mysaly, biz Zibroo sport kıim­derin shyǵaratyn almatylyq kompanııaǵa baryp kórdik. О́tim naryǵynyń ereksheligine taldaý jasalǵannan keıin biz kompanııaǵa Reseıdiń «Sport kıimderi» kórmesine qatysýǵa usynys jasadyq. Endigi jerde kompanııanyń barlyq shyq­qan shyǵyndaryn 100 paıyz mólsherde óteımiz. Sondaı-aq, bizdiń josparymyzda bir apta ishinde óńirdiń shamamen 40 kásipornyn baryp kórý, sonan soń saýda mıssııalarynyń jol kartasyn jáne salalyq halyq­aralyq kór­melerdiń kúntizbe­­sin qurastyrý nıeti bar», deıdi As­qar Arynov. Osy arada 2009-2016 jyldar aralyǵynda Almaty men Almaty oblysy aımaǵynda óndi­ristik kásiporyndar 27,8 mln AQSh dollaryna eksporttyq kelisimsharttar jasaǵanyn atap ótken jón. 2010-2016 jyldary saýda mıssııalaryna óńirlik 108 kásiporyn qatysty, nátıjesinde 100 mln AQSh dollaryna eks­porttyq kelisimsharttar jasaldy. Aınash ESALI, «Egemen Qazaqstan» ALMATY