Zerendidegi jańa emhana jumys istemeı tur

Zerendi aýdanyndaǵy aýysymyna 250 adamǵa deıin qabyldaı alatyn quny 1,5 mıllıard teńgege baǵalanǵan medısınalyq mekeme ótken jyldyń birinshi toqsanynda saltanatty túrde ashylǵan bolatyn. Alaıda, aýdandyq ákimdik habarlaǵandaı, kelisimsharttyń tolyq júzege aspaýynan búginde emhana jumys istemeı tur. Iаǵnı, merdigerdiń óz kelisim­sharttyq mindettemesin oryndamaýynan tehnologııalyq qural-jab­dyqtar der kezinde jetki­zilmegen. Ázirge atalǵan kom­pa­nııa qajetti qural-jabdyq­tardyń tek 22 paıyzyn ǵana jet­kizipti. Sondyqtan da, ob­lys­­tyq qurylys basqarmasy me­dı­sınalyq mekemeni oblystyq den­s­aýlyq saqtaý basqar­masy­nyń quzyretine ótkize almaı otyr. Sebebi, qabyldap alý aktisi bo­l­maǵan jaǵdaıda emhana óz ju­mysyn bastaı almaıdy. Osyǵan oraı ótken jyly oblystyq qurylys basqarmasy «Astana-Avtostroı» JShS qury­lys kompanııasy ústinen shaǵym­danyp, jetkizilip bermegen teh­nologııalyq qural-jabdyq­tar­dyń qunyn óndirmek bolǵan edi. Bul talap Aqmola oblysy aý­dan­aralyq mamandandyrylǵan eko­no­mıkalyq soty tarapynan qan­aǵattandyrylǵanyn aıta ketý kerek. Eger merdiger kelisim­shart­ta kórsetilgen mindet­teme­lerin oryndaıtyn bolsa, emhana óz jumysyn bastaıtyn bolady. Ázirge bul másele sheshimin tappaı tur. Asqar TURAPBAIULY, «Egemen Qazaqstan» Aqmola oblysy