Manchesterde gol jaýǵan kún

Chempıondar lıgasynyń 1/8 fınalynyń qalǵan tórt oıyny ótken aptada ótti. Bul matchtarda «Manchester Sıtı», «Atletıko», «Iýventýs», «Sevılıa» jeńiske jet­ti. Teń oıyn tirkelmedi. ● Anglııada naǵyz fýtbol dramasyna kýá boldyq. Hosep Gvardıola jat­tyqtyratyn «Manchester Sıtı» óz alańynda «Monakony» qa­byldady. Bul oıyn tarıhqa pleı-offtaǵy eń nátıjeli kezdesý retinde endi. Matchta 8 gol soǵyldy. Onyń beseýi alań ıelerine tıe­sili. Esepti 26-mınýtta «Sıtı» jartylaı qor­ǵaýshysy Rahım Sterlıng ashty. Biraq úziliske deıin qonaqtar alǵa shyqty. Aldymen Radamel Falkao tarazy basyn teńestirse, ekinshi goldy Kılıan Mbappe soqty. Ekinshi taımnyń basynda Falkao­nyń esepti 3:1-ge jetkizýine tamasha múmkindigi boldy. О́kinishke qaraı, kolýmbııalyq shabýylshy penaltıdi dál oryndaı almady. Osydan keıin fýtboldyń jazylmaǵan «Sen soqpasań – saǵan soǵady» degen zańy júzege asty. «Manch­es­ter Sıtıdiń» oqtaýly myltyǵy Serhıo Agý­ero tab­lo­daǵy kórsetkishti teńestirip, jan­­­kúı­er­lerdi sa­basyna túsirdi. Degenmen, Fal­kao óziniń qa­te­li­gin jýyp-shaıýǵa tyrysty. «Monako» kapıta­ny 61-mınýtta komandasyn match­ta ekinshi ret al­ǵa shyǵardy. Budan keıin Gvardıola shákirtteri minez tanytyp, qatarynan úsh gol soqty. Sóıtip, jeńisti julyp aldy. Aldymen Agýero matchtaǵy ekinshi dobyna baıǵazy surasa, sonan soń Djo­na Stoýns kózge tústi de, Leroı Zane sońǵy núk­te­ni qoıdy. ● Al Germanııadaǵy «Baıer» men «Atle­tıko» kezdesýinde qonaqtar jeńiske jetti. Kıevtiń «Dınamosynan» nemis komandasyna aýysqan avstrııalyq qorǵaýshy Aleksandr Dragovıch úshin «qaraly kún» boldy. Qorǵaýshy Grız­mann, Gameıro sekildi «Atletıko» juldyzdarynan kóz jazyp qala berdi. Sımeoneniń sarbazdary alǵashqy oıynda tórt gol soǵyp, shırek fınalǵa bir qadam jasady. Osydan 16 jyl buryn Madrıdtiń «Realy­men» fınalda kezdesken qaýqarly «Baıerdi» soń­ǵy jyldary múldem baıqamaı júrmiz. Bul kún­de komanda fınal turmaq, toptyń ózinen áreń ǵana shyǵyp júr. – Biz qıyn oıyn bolatynyn jaqsy bildik. Bi­raq soǵan qaramastan, jeńiske jetý úshin ba­ry­myzdy saldyq. Ol qolymyzdan keldi. De­gen­men qarymta oıyn da ońaı bolmaıdy. «Atle­tıkonyń» tarıhynda óz esimimdi jazyp qal­dyryp jatqanyma kóńilim tolady. Ári qaraı osy qarqynymdy jalǵastyrǵym keledi. Match boıy «Baıer» fýtbolshylary qanshama ret qyspaqqa alýǵa tyrysty. Bapkerimizdiń arqasynda jaqsy taktıka quryp, qajetti nátıjege qol jetkizdik. Men shabýyldaǵy áriptesim Gameıromen jaqsy túsinisip oınaımyn. Búgin Torres ekeýi de gol soqty. Aldaǵy ýaqytta da osy betterinen taımaı, qýanta beredi dep oılaımyn. Gameıro maǵan jeti pas berdi. Al men úsh ret jaýap qaıtardym. Ekeýmiz de fransýzbyz. Sondyqtan, bir-birimizdi jaqsy túsinemiz, – dedi «Atletıko» shabýylshysy Grızmann. ● Sársenbiniń túninde Býffon men Ka­sı­lıas­tyń kezekti teke-tiresine taǵy kýá boldyq. Osy ýaqytqa deıin qos qaqpashyny Italııa men Ispanııa, «Iýventýs» pen «Real» kezdesýlerinen kóretin edik. Bul joly olar «Portý» men «Iýventýs» oıynynda jolyqty. Portýgalııaǵa qonaqqa barǵan Týrın komandasy qarsylasynan shoqtyǵy bıik ekenin dáleldeı aldy. Ekinshi kezeńde eki dop soqqan Italııa komandasy da shırek fınalǵa shyǵýǵa jaqyn. ● Sońǵy jup «Sevılıa» men «Lester-diń» Chempıondar lıgasyndaǵy táji­rıbesi asa kóp emes. Ásirese, sońǵy­sy­nyń. Byltyr fýtbolda barlyǵyn aqsha sheshpeıtinin dáleldep, Anglııa chempıo­ny atanǵan Ranerı shákirtteri alǵash ret Chempıondar lıgasynyń pleı-off satysyna jetti. Al «Sevılıa» buǵan deıin eki ret 1/8 fınalda oınaǵan. Biraq, shırek fınalǵa shyǵyp kórmegen. Osy joly úzdik segizdiktiń qataryna kirýge múmkindigi bar. Oıyn 2:1 esebimen aıaqtaldy. Qonaq­tar Var­dıd­yń golynyń arqasynda kelesi kezeńge shyǵý múm­kindigin saqtap qaldy. Eger óz alańy­n­da je­ńis­ke jetetin bolsa, «Lesterdi» shırek fı­naldan kó­rip qalýymyz ábden múmkin. Oıyn nátıjeleri: «Manchester Sıtı» – «Monako» – 5:3 Goldar: Sterlıng, 26 (1:0). Falkao, 32 (1:1). Mbappe, 40 (1:2). Agýero, 58 (2:2). Falkao, 61 (2:3). Agýero, 71 (3:3). Stoýns, 77 (4:3). Sane, 82 (5:3). «Baıer» – «Atletıko» – 2:4 Goldar: Saýl, 17 (0:1). Grızmann, 25 (0:2). Bellarabı, 48 (1:2). Gameıro, 59 (1:3). Savıch, 68 (2:3). Fernando Torres, 86 (2:4). «Portý» – «Iýventýs» – 0:2 Goldar: Pıasa, 72 (0:1). Alves, 74 (0:2). «Sevılıa» – «Lester» – 2:1 Goldar: Sarabııa, 25 (1:0). Korrea, 62 (2:0).Vardı, 73 (2:1). Bek TО́LEÝOV, jýrnalıst ASTANA