Záre-qutty qashyrǵan zeńbirek

Qarqaraly qalasynyń irgesi 1824 jyly Reseı ımperııasynyń áskerı bekinisi retinde qalandy desek, sol tusta shendi generaldardan bastap, shekpendi, shoqyndylardyń qazaq saharasyna jappaı kele bastaǵany shyndyq. Árıne, qudalyqqa kelmegenderi belgili. О́zderimen birge qyr qazaǵynyń záre-qu­tyn alýǵa sýyq qarýlaryn qosa súırete kelgen. Bireýi – myna zeńbirek. 1815 jyly Oral qa­la­syn­da quıylǵan otty qarý Qa­r­­qa­ralyǵa 1824 jyly áke­li­nipti. Shoıynnan tutas quı­yl­ǵan sýyq qarýdyń uzyndyǵy 129 san­tımetr. Mýzeı dırektory Erjan Nurmaǵanbetovtiń aıtýyn­sha, zeńbirek 1947 jyly Qaraǵandy oblystyq tarıhı-ólketaný murajaıyna jetki­zilgen. Salmaǵyna keler bolsaq, se­giz jigit tik kótere almaıtyn, mu­ra­jaıǵa súıretip kirgizgen zil­deı qara temir. Qazirde tarıhı já­digerge aınalǵan otty qarýdyń keı­innen tutandyrǵyshyn quıyp tas­taǵan... Uńǵysynyń dıametri – 4-7 santımetr. Syrtynda «SL lıta v Kamens 1815 g. Sverl Vıse E.Z.» degen jazý bar. Aıta keteıik, zilbatpan zeń­bi­rekpen bizdi tanystyrǵan – Qaraǵandy oblystyq tarıhı-ól­ketaný murajaıy. Mýzeı 1932 jyly 7 qarashada RKFSR Halyqtyq komıteti buı­­ry­ǵymen ashylǵan. Jal­py­laı alǵanda, mýzeı­de bire­geı eksponattar jetkilikti. Má­­selen, Qazy­bek bı, Ábil­haıyr han, Aby­laı han men bas­qa da saıası qaırat­ker­­ler­diń, qazaq halqy­nyń sońǵy ha­ny Kenesary Qasym­uly­nyń túpnusqadaǵy hattary, HH ǵasyrdyń basyn­daǵy qa­zaq halqynyń ulttyq-demo­kra­tııalyq qozǵalystarynyń ta­rı­hyn ashatyn muraǵattyq ma­­terıaldar halyq nazaryna usy­nylǵan. Mıras ASAN, «Egemen Qazaqstan» QARAǴANDY