«Damý» kásipkerlikti damytý qoryna jańa basshy taǵaıyndaldy

Qazaqstan Respýblıkasynyń Premer-Mınıstrimen kelisim boıynsha «Báıterek» ulttyq basqarýshy holdıngi» AQ basqarmasynyń sheshimimen Abaı Sarqulov «Damý» kásipkerlikti damytý qory» AQ-nyń basqarma tóraǵasy bolyp taǵaıyndaldy, dep habarlaıdy atalǵan qordyń baspasóz qyzmeti. Abaı Sarqulovtyń qarjy salasynda 13 jyldyq jumys tájirıbesi bar. «Báıterek» holdıngi kompanııasynyń tobynda 2008 jyldan qyzmet etýde. Eńbek jolyn ınfraqurylymdyq jobalarǵa kredıt berýdi basqarý menedjerinen bastaǵan ol sońǵy ýaqytta «Qazaqstannyń damý banki» AQ basqarma tóraǵasynyń orynbasary laýazymyn atqarǵan. Q.Jubanov atyndaǵy Aqtóbe Memlekettik ýnıversıtetin aıaqtaǵan. «Báıterek» holdıngisiniń enshiles uıymy «Damý» kásipkerlikti damytý qory» AQ-nyń mıssııasy qarjy ınstıtýttarynyń aýqymdy spektoryn jáne bıznesti damytý baǵdarlamalaryn qamtıtyn keshendi qoldaý arqyly Qazaqstannyń shaǵyn jáne orta bıznesin sapaly damytýǵa yqpal etý bolyp tabylady.