Erık Gomes: Alvares-Golovkın kelissózderi jaqynda aıaqtalady

Golden Boy Promotions promoýterlik kompanııasynyń prezıdenti Erık Gomes meksıkalyq boksshy Saýl Alvares pen  qazaqstandyq Gennadıı Golovkınniń arasynda jekpe-jek ótkizý týraly kelissózder jaqyn kúnderi aıaqtalatynyn málimdedi. Bul týraly allfight.ru habarlady. «Iá, biz osy aıqasqa úmit artyp otyrmyz. Sol úshin osy baǵytta tıisti jumystar atqaryp júrmiz. Golovkınniń promoýteri Tom Lefflermen ylǵı da baılanystamyn. Áli de kelisýi kerek birneshe jaıt bar. Degenmen, eki tarap jaqyn kúnderi boks keshin ótkizýde ortaq ymyraǵa keledi dep oılaımyn», – dedi Erık Gomes. Birneshe kún buryn meksıkalyq boksshy men promoýteri Oskar De La Hoııa Golovkınge resmı túrde usynys jasaǵandaryn málimdegen. «Usynysymyz olar úshin tıimdi boldy deýge bolady. Golovkın osyǵan deıin alǵan syıaqylarynan áldeqaıda kóp alady. Bastysy usynys jasaldy. Eger kóńili tolmasa, kiná ózinen. «Kanelo» eshkimnen jasqanyp, qashqaqtap kórgen emes. Ol tek myqtylarmen kúsh synasqysy keledi. Al GGG – onyń basty qarsylasy», – dedi Oskar De La Hoııa. Aıta keteıik, álemdik BAQ betterinde Saýl Alvarestiń ókilderi Gennadı Golovkınge 15 mıllıon dollar usynǵany habarlanǵan.