"Úzdik fılm" nomınasııasy boıynsha "Oskar" ıegeri anyqtaldy

Los-Andjelestegi Dolby Theatre teatrynda "Oskar" júldesiniń 89-shy marapattaý rásiminiń qorytyndysy boıynsha "Úzdik fılm" nomınasııasy boıynsha "Aı sáýlesi" kartınasy "Oskardy" jeńip aldy. Esterińizge sala ketsek, jyldyń úzdik fılmi ataný úshin 9 fılm synǵa túsken bolatyn. Olardyń qatarynda «Arystan», «La-La Lend», «Kedergiler», «Manchester teńiz janynda», «Haksoý Rıdj», «Jasyryn pishinder» sııaqty fılmder bar. Osyǵan deıin birneshe BAQ "Úzdik fılm" boıynsha "La-La Lend" fılmi jeńiske jetkenin habarlaǵan bolatyn. Keıin belgili bolǵandaı, basty atalymdar boıynsha jeńimpazdy ataý barysynda júrgizýshi fılmderdiń ataýyn shatastyryp alǵan. "La-la Lend" avtorlary alǵys sózin aıtyp bitkende Ýorren Bıttıdiń qateleskeni belgili boldy. Sóıtip, jyldyń úzdik fılmi "Aı sáýlesi" boldy. "Ne bolǵanyn bilmeımin, biraq tek ózimdi kinálaımyn. Búldiretinimdi bilip edim! Endi qaıtyp kelmeımin dep ýáde beremin", - dep málimdedi Djımmı Kımmel shara sońynda.